Ўзбекистон XXII миллий чемпионатининг 1-туридан ўрин олган яна бир учрашувда «Пахтакор» Наманганнинг «Навбаҳор» жамоасини қабул қилиб ишончли ғалабани қўлга киритди.
Учрашувнинг дастлабки дақиқалариданоқ тошкентликлар олдинга ташланишди. 2-дақиқадаёқ улар ҳисобни очиш имконига эга бўлишганди. Жамоанинг янги аъзоси Жора Оганесян рақиб дарвозасини ишғол қилишга уриниб кўрганди. Бироқ Денис Романенко тўпни бартараф этди.
Кейинги дақиқаларда эса вазият «Навбаҳор» томонга ўтди. Аввалига «Пахтакор» ҳимоячиларнинг хатосидан кейин Бойдадаев ҳисобни очиши мумкин эди. Бироқ зарба ноаниқ кўриниш олди. 14-дақиқага келиб «Навбаҳор»нинг жарима зарбаси хавфли кўриниш олганди. Бироқ Ғайрат Жумаев томонидан берилган зарбани Лобанов бартараф этди. Орадан бир дақиқа ўтар-ўтмас, Жўраевда яна бир имконият юзага келди. Бироқ унинг зарбасини бу Лобанов қийинчилик билан бўлсада ушлаб олди. Кейинги вазиятда Кошелевнинг зарбасини яна Лобанов бартараф этди.
«Навбаҳор»нинг 10 дақиқалик устунлигидан кейин «Пахтакор» яна ташаббус кўрсата бошлади ва бу устунликнинг дастлабки ҳужуми самарали якунланди. Жора Оганесяннинг чап қанотдан ошириб берилган тўпига биринчи бўлиб етиб келган Игорь Сергеев боши билан унча кучли бўлмаган, аммо ноқулай зарба йўллади. Бу зарбани Романенко бартарафга этишга ожизлик қилди.
Голдан кейин иккала томонда ҳам имкониятлар кам бўлди. Козакнинг зарбаси ноаниқ кетган бўлса, Абдумажид Тоировнинг зарбасини Лобанов эгаллаб олди. 37-дақиқага келиб «Пахтакор» жарима зарбасини тепиш имконига эга бўлди. Жарима зарбасини Жора Оганесян амалга оширди. Унинг зарбаси унчалик кули бўлмасада, «жонли девор»дан ошиб ўтди. Денис Романенко қайтариши мумкин бўлган ҳолатда негадир тўпга қўлини чўзмади ва тўп дарвоза тўрига бориб тушди. Биринчи бўлимда ҳисоб бошқа ўзгармади.
Иккинчи бўлим бошида яна «Навбаҳор»да имкониятлар юзага келди. Бироқ кўп вазиятларда зарбаларга куч, ҳужумчиларга тезлик етишмай қолаверди. Ҳақиқий голга тортадиган вазият эса 64-дақиқага келиб содир бўлди. Майдон марказида Темур Султонов хатога йўл қўқди ва бир йўла уч «Пахтакор» футболчиси «Навбаҳор»нинг бир ҳимоячисига қарши қолиб кетди. Бу вазиятда Жора Оганесян тўпни шерикларига етказиб беришдан кўра зарба беришни афзал билди. Бироқ унинг зарбасига ҳимоячи оёқ қўйишга улгурди ва тўп майдон ташқарисига чиқиб кетди. «Пахтакор»нинг бурчак зарбасидан кейин Кахи Махарадзе Папен услубида дарвозага зарба берди. Бироқ унинг зарбаси дарвоза тўсини устидан ўтиб кетди. 73-дақиқага келиб Станислав Андреев дарвозабон билан деярли яккама-якка вазиятда чиқиб бориб, тўғри Романенконинг ўзига зарбани йўллади. Қайтган тўпга биринчи бўлиб етиб келган Козак тўпни яна Андреевга етказиб берди. Андреев бу сафар ҳам зарбани Романенконинг ўзига йўллади.
86-дақиқада Азим Аҳмедовнинг марказдан бошлаб берган ҳужумни Почуев давом эттирганди. Унинг пасидан кейин Бойдадаевнинг берган зарбаси дарвозанинг анча юқорисидан ўтиб кетди.
90-дақиқага келиб Темурхўжа Абдухолиқов Жаҳонгир Меҳмоновни ортда қолдириб Романенкони устидан тўпни «парашют» услубида ташлаб қўйишни мўлжаллаганди. Бироқ Романенко сўнгги паллада тўпни майдон ташқарисига чиқариб юборишга улгурди. Бу учрашувдаги сўнгги хавфли вазият бўлиб қолди ва биринчи бўлимдаги ҳисоб ўзгармай қолди. «Пахтакор» янги чемпионатдаги дастлабки ғалабасини қўлга киритган бўлса, «Навбаҳор» илк мағлубиятини тан олишга мажбур бўлди.
ЎзПФЛ. 1-тур
ПАХТАКОР – НАВБАҲОР 2:0 (2:0)
Голлар: Игорь Сергеев (21), Жора Оганесян (36).
«Пахтакор»: 12. Александр Лобанов, 5. Акбар Исматуллаев, 23. Александр Мерзляков, 24. Даврон Ҳошимов, 29. Владимир Козак, 7. Кахи Махарадзе, 26. Дилшод Шарофетдинов, 28. Станислав Андреев (3. Ғулом Ўрунов, 79), 34. Ойбек Қиличев, 10. Жора Оганесян (15. Жамшид Искандеров, 70), 19. Игорь Сергеев (9. Темурхўжа Абдухолиқов, 57).
«Навбаҳор»: 16. Денис Романенко, 4. Абдумажид Тоиров, 13. Тимур Султонов, 15. Виталий Почуев, 6. Леонид Кошелев (30. Собир Ҳамидов, 63), 7. Абдуазиз Султонов (21. Азам Алиев, 46), 8. Азимжон Аҳмедов, 9. Илҳом Бойдадаев, 20. Ғайрат Жўраев, 25. Абдураззоқ Жўраев (23. Абдумалик Абдуллаев, 46), 32. Жаҳонгир Меҳмонов.
Огоҳлантиришлар: Ойбек Қиличев (44) - Абдуазиз Султонов (38), Абдумажид Тоиров (43), Илҳом Бойдадаев (79).
Ҳакамлар: М. Исмоилов (Тошкент), Р. Шояхметов (Тошкент), Т. Гайнуллин (Тошкент), Д. Каримов (Тошкент).
Назоратчи ҳакам: В. Валицкий (Тошкент).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
