«Машъал» Муборакда машғулотларни давом эттирмоқда
Жорий мавсумни биринчи лигада ўтказадиган Муборакнинг Машъал жамоаси 1 мартдан тайёргарликнинг навбатдаги босқичини бошлади. Жамоа катта мураббийи Мақсуд Ирисбаевнинг маълум қилишича, ҳозир кунига икки маҳалдан машғулотлар бўлиб ўтмоқда.
Муборакдаги йиғин 16 мартгача давом этади. Кейин футболчиларга уч кунлик дам берилади ва 19 мартдан жамоа яна Муборакда йиғилади. 24 март куни эса Машъал Ўзбекистон Кубогида ўзининг биринчи ўйинини ўтказади. Шу куни газчилар ўз майдонларида Бухоронинг Спартак жамоасини қабул қилишади. Хабарингиз бор, Кубокнинг биринчи босқичидаги барча беллашувлар битта ўйиндан иборат.
Ҳозирча жамоа машғулотларида биргина Габит Сапаргалиев қатнаша олмаяпти. Чунки унинг жароҳати бор. Бизга маълум бўлишича, футболчи яқин икки-уч кун ичида клуб таркибига бориб қўшилади.
Бу йилги биринчи лига баҳсларига 15 март куни қуръа ташланиши кутиляпти. 12 март куни Машъал ПФЛга жорий мавсум учун 25та футболчидан иборат заявкани топштиради. Биринчи лиганинг дастлабки икки тури 28 ва 31 мартда бўлиб ўтади.
Манба: www.fcmashal.uz
Киритилди: 10:09, 04.03.2013. Ўқилди: 3038 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар