Халқаро олимпия қўмитаси (ХОҚ) 2024-йилда Парижда бўлиб ўтадиган ўйинларга қабул қилинган россиялик ва беларуслик спортчиларнинг 13 июлда янгиланган рўйхати якуний эмаслигини ва яна янгиланишини маълум қилди.
"Баъзи спорт турларида муносиб спортчилар сони олинган квота ўринлари сонидан кам бўлиши мумкин.
Бундай ҳолларда ушбу жойлар тегишли Халқаро федерациянинг малака тизимига мувофиқ бошқа якка тартибдаги нейтрал спортчилар ёки бошқа Миллий олимпия қўмиталари спортчилари ўртасида қайта тақсимланади", — дейилади ХОҚ расмий баёнотида.
13 июль ҳолатига кўра, Россиядан 15 нафар спортчи Олимпиадада иштирок этишини тасдиқлади. Булар Тамара Дронова, Алена Иванченко, Глеб Сйрица (барчаси велоспорт), Анжела Бладцева (батут), Даниил Медведев, Роман Сафиуллин, Екатерина Александрова, Мирра Андреева, Павел Котов, Диана Шнайдер, Елена Веснина (барча теннис), Захар Петров Коровашков, Олеся Ромасенко (барчаси - байдарка ва каноэда эшкак эшиш), Евгений Сомов (сузиш). Аввалроқ россиялик курашчилар ва дзюдочилар Парижда чиқиш қилишдан бош тортган эди.
2023-йил 8-декабрь куни ХОҚ ўз спорт турлари бўйича муваффақиятли сараланган Россия ва Беларус спортчиларига 2024-йилда Парижда бўлиб ўтадиган Олимпия ўйинларида якка тартибдаги нейтрал спортчилар сифатида иштирок этишга рухсат берди.
Мусобақада фақат индивидуал спорт турлари бўйича спортчилар қатнаша оладилар, жамоавий баҳсларда жамоалар қатнашмайди; Ўйинларда Россия ёки Беларуснинг байроғи, мадҳияси, ранги ёки бошқа рамзлари ҳеч қандай расмий жойда ёки бирор бир расмий тадбирда кўрсатилмайди. Олимпиадага Россия ва Беларус расмийлари ва спорт амалдорларидан ҳеч бири таклиф қилинмайди.
Кейинроқ ХОҚ россиялик ва беларуслик спортчиларга Парижда 2024 йилги Олимпия ўйинларининг очилиш маросимида ўтказиладиган спортчилар парадида қатнашишни тақиқлагани маълум бўлганди.
Россия ва Беларус спортчиларининг 2024 йилги Олимпия ўйинларида қўлга киритган медаллари умумий ҳисобда инобатга олинмайди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
