Суперлигада 16-тур ўйинлари давом эттирилди. "Насаф" жамоаси бу тур "Қизилқум"га қарши баҳс олиб борди ва кичик ҳисобда ғалаба қозонди. Беллашувдан сўнг жамоа бош мураббийи Рўзиқул Бердиев матбуот анжуманида иштирок этди.
Барчани ғалаба билан табриклайман. Камчилик бўлиб қолганимиз сабабли оғир учрашув бўлди. Йигитлар жисмоний холатимиз қанчалик яхши эканлигини кўрсатишди. Ғалабага иштиёқ кўриниб турди. Ўзгаришларимиз фойда берди. Футболчиларга 10 киши бўлиб ҳам ўйинни ютиш мумкинлигини тушунтирдик. Камчилик бўлсак-да, рақибга нисбатан ҳужумга кўпроқ эътибор қаратдик. Ғалаба икки ҳисса ёқимли бўлди.
Дилшод Комилов бугун захирадан майдонга тушиб жамоага ёрдам берди?!
Биз унга ишониб, жамоага таклиф этган эдик. Захирадан қўшилиб ўзини яхши кўрсатди. "Локомотив" жамоасида ҳам 3 та ҳимоячи позисияда ўйнагани боис, техник хатоларга йўл қўймади. Уни чап оёқда ҳужумларни бошлаб беришини билар эдик. Бугун ҳам ғалабага муносиб ҳисса қўшди.
Биринчи даврадан иккинчи даврага ўтар чоғида ўринбосарлардан футболчиларни таклиф этдингиз. Қай бирининг ҳаракатлари маъқул келди. Уларни қайси бирини тез орада ҳеч бўлмаса захирада кўришимиз мумкин?!
Аниқ номларни сизга айта олмайман. Улар орасида 10 га яқин футболчини кўздан кечирдик. Уларга ишончим ортди. Келажагимиз борлигига ишончим бор. Уларга нисабатан хулосам ва қарашларим бор. Бизда катта футболчилар борлиги боис, эътиборим бошқа томонда. Иш жараёнида захира потенсиалимиз борлигини кўрдим. Вақти келади, уларга имконият берилади.
ОЧЛ2 мусобақасига қуръа ташланди. У ҳақида фикрингиз ва раҳбарият қандай вазифа қўйилди?
Бизнинг квартетимизга бошқаларга нисабатан кучлироқ жамоалар тушди. Иордания чемпиони, "Шабаб Ал Аҳли" эса яхши жамоа эканлигмизни билдик. Қувайт жамоаси ҳақида бизда маълумот йўқ. Биринчи вазифамиз гуруҳдан чиқиш бўлади. Раҳбарият билан гаплашиб оламиз. Бунга ишонамиз ва плей-оффда иштирок этиш учун тажрибамиз бор. Бунга қандай ёндашиш кераклигини яхши биламиз.
Янги таклиф этилган легионер футболчилар ҳақида фикрингиз қандай?
Биринчи навбатда ички рақобатни юзага келтиришимиз керак. Суперфутболчиларни олдик дея олмайман, аммо улар рақобат қила олади. Чоловичга имконият берган эдик, аммо у ҳакамнинг қарори билан олган қизили вазиятимизни оғирлаштириб қўйди. Валентиндан фойдаланмаслигимизнинг сабаби қанот ярим ҳимоячисига хожат йўқ эди. Уларга ишонганимиз учун таклиф этганмиз. Ўйлайманки, бизга уларни фойдаси тегади.
Шерзод Насруллаев доим ҳужумга қўшилиб ёрдамга берган, бугун уни вингерга айлантирдингиз?!
Бугун бу қароримиз фойда берди деб ўйлайман. Дилшодни ўйинга қўйиб, уни олдинга чиқардик. Шерзод ҳужумга қўшилишни яхши кўради. Насруллаев бизнинг талабимизни доим аъло даражада бажаради.
"Қизилқум"нинг старт таркиби сиз учун янгилик бўлдими?
Менимча, "Насаф"га қарши кўпроқ ва тезроқ югурадиган футболчиларга эътибор қаратилди. Захирадан тушганлар тажрибали, маҳоратли футболчилар, аммо бугун "Қизилқум"га чаққонроқ ижрочилар керак эди. Улар билар эди, биз бор эътиборимизни ҳужумга қаратишимизни билгани боис, олдинги чизиқда тезкор 3 та ҳужумчидан фойдаланишди.
"Насаф"ни олдинда "Олимпик" ва "Андижон"га қарши ўйинлар кутиб турибди. Танаффусгача икки учрашувда 6 очко олса, "Насаф" чемпионликни 80 фоизга ҳал қилди десак бўладими?
Бунга аниқ жавоб бера олмайман. Рақибларимизнинг қандай ўйнашини билмайман. Бу йилги чемпионатда ҳар бир баҳсда кураш бўлмоқда. Бугун ОКМК ҳам Самарқандда мағлубиятга учради. Ўйлашимча, кураш охиригача давом этади. Биз ўз имкониятларимиздан фойдаланишга ҳаракат қиламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
