Сентябрь ойи охирида Лондон мода ҳафталиги марказига айланди. Анъанага мувофиқ, АПЛ юлдузлари ҳам кўргазмаларга бош суқишди.
Бу сафар янгилик ҳам кузатилди: намойишлардан бири учун тарихда илк марта футбол стадиони - «Эмирейтс» танланди. Гап шундаки, «Арсенал» Африкадан илҳомланадиган мода бренди билан ҳамкорликни йўлга қўйди.
Британия мода бренди - Labrum келишув асосида «Арсенал» ва Adidas билан ҳамкорликда Лондон клуби стадионини кўргазма саҳнасига айлантирди. Клуб етакчиларидан бири Деклан Райс эса 2025 йил баҳор-ёз коллекцияси модели ролида кўриниш берди. Намойиш чоғи италиялик Риккардо Калафьори ва 17 ёшли Майлз Льюис-Скелли жамоадошларининг янги соҳадаги муваффақиятини биринчи қаторда кузатишди. Шунингдек, «Арсенал»нинг собиқ футболчиси, амалдаги телебошловчи Алекс Скотт ҳам. Аслида бу Labrum London брендининг «Арсенал» билан биринчи ҳамкорлик иши эмас. Машҳур бренд ушбу мавсум Adidas билан бирга клуб учун Африканинг анъанавий рангларида сафар футболкалари ва бутун экипировка (жумладан, икки хил куртка, машғулотлар формаси, жемпер, спорт шимлари) тайёрлади.
«Эмирейтс»да намойиш этилган энг ноодатий услуб - бу «Арсенал» футболкаларининг комбинезон варианти. Айтиш керак, компания асосчиси Фоде Думбуя «Арсенал»нинг ашаддий мухлиси ҳисобланади. У Сьерра-Леонеда туғилган ва 12 ёшида Лондонга кўчиб ўтган. Думбуя эндиликда мода воситасида Ғарбий Африка анъаналарини кенг тарзда кўрсатишга интилмоқда. Labrum London шиори ҳам ноодатий - «Эмигрантлар томонидан ишлаб чиқилган». Сьерра-Леоне жамоаси Париж-2024 Олимпиадасида ушбу бренд спорт кийимларида қатнашганини ҳам қўшимча қилиш ўринли. Labrum компаниясининг асосий расмий дўкони Лондонда жойлашган. Ушбу бренд ўтган йили Британия дизайнига қўшган ҳиссаси учун нуфузли Елизавета II мукофотига лойиқ кўрилганди.
Лондон мода ҳафталиги дастурининг энг катта воқелиги - Burberry шоуси анъанавий тарзда кўплаб машҳурлар, жумладан, спорт юлдузларини бирлаштиради. Бу сафар шоуга Рио Фердинанд ва Марк Гехи ҳам ташриф буюришди. Февраль ойидаги шоуда эса Сон Хюн Мин, Букайо Сака, Бен Чилуэлл, Мартин Эдегор, Деле Алли ва Гарет Бэйл каби футбол намояндалари кўриниш беришганди.
А.АБДУВАЛИХЎЖАЕВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Навбаҳор
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
