Муҳаммадкарим Тоиров: “Чемпионатнинг илк учрашувини интиқлик билан кутяпмиз”
7 март санасида «Мавсум-2025» расман старт олади. Яхши биласиз, Суперлиганинг илк турини "Андижон" 8 март куни Қўқонда «Қўқон-1912»га қарши ўйин билан бошлайди.
Андижонлик мухлислар ҳам бўлажак беллашувни катта қизиқиш билан кутишаётгани сир эмас. Чунки улар катта футболни соғинишган. «Андижон» эса яна янги саргузаштларга ҳозирлик кўряпти.
Жамоадаги ҳар бир футболчи янги мавсум бошланишини ва хусусан «Қўқон-1912» клубига қарши беллашувни кутмоқдалар.
«Андижон»нинг ажойиб футболчиларидан бири, ярим ҳимоячи Муҳаммадкарим Тоиров ҳам жамоа билан бирга машғулотларда бор куч ҳамда имкониятини ишга соляпти ва ўзини нафақат илк учрашувга, балки бутун бошли мавсумга тайёрлаб боряпти.
Тоиров бўлажак учрашув олдидан ўзини қандай ҳис қилаётгани хусусида гапирди:
“Аввало, барча юртдошларимизга ва шу жумладан андижонликларга кириб келган Рамазон ойи муборак бўлсин. Чемпионатга келсак, илк учрашувини интиқлик билан кутяпмиз. Биз жамоамиз билан жангга тайёрмиз”.
Бу йилдан Суперлигада водий дербилари яна биттага кўпайди. Элитага қайтган «Қўқон-1912» бу борада «Андижон»нинг чемпионатдаги илк рақибига айланиши ва илк турдаёқ мазкур жуфтлик фонида мухлисларга дерби тақдим этиши шубҳасиз. Муҳаммадкарим Тоиров эса жамоамизнинг 1-турдаги рақиб ҳақида шундай деди:
“Рақибимизга келадиган бўлсак, улар ҳам чемпионатга яхши тайёрланишган. Албатта, рақибни ҳурмат қилган ҳолда майдонга тушамиз. Бизни олдимизда катта мақсадлар турибди. Бу дербида ғалаба қозонишимиз шарт. Худо хоҳласа, шундай ҳам бўлади. Мен жамоамга ишонаман!”.
Таъкидлаб ўтганимиздек, андижонлик мухлислар ҳам бўлажак беллашувни катта қизиқиш билан кутмоқдалар. 8 март оқшомида шубҳасиз «Андижон» фан-клуби Қўқондаги стадионда жамоамизни юқори даражада қўллаб-қувватлашига шубҳа йўқ. Буни жамоанинг ҳар бир аъзоси қалбидан ҳис қилиб турибди ва бу борада Тоиров қуйидагиларни айтди:
“Юқорида айтганимдек, бу биз учун жуда муҳим ўйин. Бу ўз номи билан дерби. Дербига биз тайёрмиз. Майдонда ҳам жиддий рақобат ва мухлислар ўртасида ҳам шундай рақобат кечади. Бу ҳолат эса бизга қўшимча куч бағишлайди. Мухлисларимизни ушбу учрашувда кутиб қоламиз. Худо хоҳласа, ишқибозларимизни хурсанд қиламиз”.
Манба: https://t.me/andijonpfc
Киритилди: 10:45, 06.03.2025. Ўқилди: 1238 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
