Суперлиганинг 5-туридан ўрин олган «Пахтакор» – «Андижон» (2:3) ўртасидаги учрашувдан кейин ташкил этилган матбуот анжуманида дастлаб меҳмонлар бош мураббийи Александр Хомяков иштирок этди.
— Бугунги ғалабадан жуда ҳам хурсандман. Таърифлашга сўз ожиз. Худога шукурки, йигитлар характер кўрсатишди ва ғалабани сақлаб қолишди. Ўйлайманки, майдонда яхши ҳаракат қилдик. Тўғрисини айтсам, ҳа, баъзи ҳолатларда биз ўйлаганларнинг барчаси ҳам ўхшади, дея олмайман. Лекин, энг асосийси, ғалаба қозондик. Футболчиларга миннатдорчилик билдирган ҳолда уларнинг олдида шляпамни ечаман. Улардаги яхши ҳаракат ва матонат учун барчани ажойиб ғалаба билан чин кўнглимдан табриклайман.
— Сафарда «Пахтакор» устидан қозонилган тарихий ғалаба билан табриклаймиз. Жамоангизнинг ҳимоядаги ўйинига қандай баҳо берасиз? Масалан, ўтган сафар «Машъал» билан ўйин охирларида ҳимояланди...
— Бизда қайсидир вазиятларда аниқлик етишмаяпти, дейишим мумкин. Йирик ҳисобда ғалаба қозонишни режалаштирмагандик. Биз ўйинни назорат қилишимиз керак эди. Бунга қисман эришдик, деб ўйлайман. Умуман олганда, бугун рақиб ҳам яхши ҳаракат қилди. Баъзи ҳолатларда ҳимоячиларимизни хато қилишга мажбур қилди, дейишим мумкин. Биз эса қарши ҳужумлардан фойдаландик. Шу ўринда таъкидлашим керакки, ҳужумда яхши ўйнадик ва учта гол уришга эришдик. Тан оламан, ҳимояда муаммолар бўлди. Имкон қадар тўғрилашга ҳаракат қилдик.
— «Пахтакор» майдонига келган жамоалар асосан ёпиқ ўйин кўрсатишади. Аммо бугун жамоангиз бошқача ўйин намойиш қилди...
— Биласизми, бизга қийин бўлишини ўйиндан аввал ҳис қилгандик ва шунга яраша тайёргарлик кўргандик. Агар биз бирданига ҳужумга ўтиб кетадиган бўлсак, бизга жуда қийин бўлишини билардик. Ўйин стартида, бошланғич 15 дақиқасида агрессив футбол кўрсатишга ҳаракат қилдик. Ўйинни тўлиқ 90 дақиқа бир хил темпда ўйнашнинг имконияти йўқ. Шу билан бирга рақиб ўйинларини яхши ўрганиб чиққандик. Шунга яраша ҳаракат қилдик. Баъзи вақтларда ҳимояланиб ўйнадик. Чунки бунга рақиб мажбур қилди. Айрим ҳолатларда уч ҳимоячи бўлиб ўйнашимизга тўғри келди. «Пахтакор» кучли ўйин кўрсатишга киришди. Шу боис буни алоҳида сирли жойи йўқ ва биз режамиз бўйича ҳаракат қилдик. Кучли хоҳиш ҳамда ғалабага бўлган иштиёқ сабабли ғалаба қозондик.
— «Машъал» билан ўйинда сиз ғалабадан сўнг ўйиндан қониқиш ҳосил қилмаганингизни айтгандингиз. Бугунги учрашувда ҳам жамоангиз ютди ва сиз ўйиндан қониқиш ҳосил қилдингизми?
— Қизиқарли савол учун раҳмат. Икки томонлама фикр айтишим мумкин. Мураббий учун натижани албатта муҳим деб ҳисоблайман. Иккинчи томондан эса футбол – бу мухлислар учун ўйналадиган ўйин. Ишқибозлар оддий ўйин бўлса, ҳисобни кўришади ва уйига кетишади. Қизиқарли учрашув бўлса, албатта келиб охиригача туришади, қўллаб-қувватлашади. Жамоа шаклланяпти, ўз ўйинини топиб боряпти. Олдимизда халқаро учрашувлар турганини барчамиз ҳис қилиб турибмиз. Мураббий сифатида ўйиндан-ўйинга кучайиб, юқори даражага чиқишимизни жуда хоҳлаяпман. Биз юқори натижалар учун интиляпмиз. Ҳаммаси аста-секин амалга оширилади. Чақалоқ ҳам бирданига юриб кетмайди. Биз ҳам ривожланиб боряпмиз. Мухлисларбоп ўйин кўрсатишга ҳаракат қиляпмиз. Шу билан биргаликда натижа ҳам жуда муҳим. Балки ҳаммамиз биргаликда «Андижон»нинг ғалабасини нишонлармиз, кетдик (кулади)!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
