Superliganing 5-turidan o‘rin olgan «Paxtakor» – «Andijon» (2:3) o‘rtasidagi uchrashuvdan keyin tashkil etilgan matbuot anjumanida dastlab mehmonlar bosh murabbiyi Aleksandr Xomyakov ishtirok etdi.
— Bugungi g‘alabadan juda ham xursandman. Ta’riflashga so‘z ojiz. Xudoga shukurki, yigitlar xarakter ko‘rsatishdi va g‘alabani saqlab qolishdi. O‘ylaymanki, maydonda yaxshi harakat qildik. To‘g‘risini aytsam, ha, ba’zi holatlarda biz o‘ylaganlarning barchasi ham o‘xshadi, deya olmayman. Lekin, eng asosiysi, g‘alaba qozondik. Futbolchilarga minnatdorchilik bildirgan holda ularning oldida shlyapamni yechaman. Ulardagi yaxshi harakat va matonat uchun barchani ajoyib g‘alaba bilan chin ko‘nglimdan tabriklayman.
— Safarda «Paxtakor» ustidan qozonilgan tarixiy g‘alaba bilan tabriklaymiz. Jamoangizning himoyadagi o‘yiniga qanday baho berasiz? Masalan, o‘tgan safar «Mash’al» bilan o‘yin oxirlarida himoyalandi...
— Bizda qaysidir vaziyatlarda aniqlik yetishmayapti, deyishim mumkin. Yirik hisobda g‘alaba qozonishni rejalashtirmagandik. Biz o‘yinni nazorat qilishimiz kerak edi. Bunga qisman erishdik, deb o‘ylayman. Umuman olganda, bugun raqib ham yaxshi harakat qildi. Ba’zi holatlarda himoyachilarimizni xato qilishga majbur qildi, deyishim mumkin. Biz esa qarshi hujumlardan foydalandik. Shu o‘rinda ta’kidlashim kerakki, hujumda yaxshi o‘ynadik va uchta gol urishga erishdik. Tan olaman, himoyada muammolar bo‘ldi. Imkon qadar to‘g‘rilashga harakat qildik.
— «Paxtakor» maydoniga kelgan jamoalar asosan yopiq o‘yin ko‘rsatishadi. Ammo bugun jamoangiz boshqacha o‘yin namoyish qildi...
— Bilasizmi, bizga qiyin bo‘lishini o‘yindan avval his qilgandik va shunga yarasha tayyorgarlik ko‘rgandik. Agar biz birdaniga hujumga o‘tib ketadigan bo‘lsak, bizga juda qiyin bo‘lishini bilardik. O‘yin startida, boshlang‘ich 15 daqiqasida agressiv futbol ko‘rsatishga harakat qildik. O‘yinni to‘liq 90 daqiqa bir xil tempda o‘ynashning imkoniyati yo‘q. Shu bilan birga raqib o‘yinlarini yaxshi o‘rganib chiqqandik. Shunga yarasha harakat qildik. Ba’zi vaqtlarda himoyalanib o‘ynadik. Chunki bunga raqib majbur qildi. Ayrim holatlarda uch himoyachi bo‘lib o‘ynashimizga to‘g‘ri keldi. «Paxtakor» kuchli o‘yin ko‘rsatishga kirishdi. Shu bois buni alohida sirli joyi yo‘q va biz rejamiz bo‘yicha harakat qildik. Kuchli xohish hamda g‘alabaga bo‘lgan ishtiyoq sababli g‘alaba qozondik.
— «Mash’al» bilan o‘yinda siz g‘alabadan so‘ng o‘yindan qoniqish hosil qilmaganingizni aytgandingiz. Bugungi uchrashuvda ham jamoangiz yutdi va siz o‘yindan qoniqish hosil qildingizmi?
— Qiziqarli savol uchun rahmat. Ikki tomonlama fikr aytishim mumkin. Murabbiy uchun natijani albatta muhim deb hisoblayman. Ikkinchi tomondan esa futbol – bu muxlislar uchun o‘ynaladigan o‘yin. Ishqibozlar oddiy o‘yin bo‘lsa, hisobni ko‘rishadi va uyiga ketishadi. Qiziqarli uchrashuv bo‘lsa, albatta kelib oxirigacha turishadi, qo‘llab-quvvatlashadi. Jamoa shakllanyapti, o‘z o‘yinini topib boryapti. Oldimizda xalqaro uchrashuvlar turganini barchamiz his qilib turibmiz. Murabbiy sifatida o‘yindan-o‘yinga kuchayib, yuqori darajaga chiqishimizni juda xohlayapman. Biz yuqori natijalar uchun intilyapmiz. Hammasi asta-sekin amalga oshiriladi. Chaqaloq ham birdaniga yurib ketmaydi. Biz ham rivojlanib boryapmiz. Muxlislarbop o‘yin ko‘rsatishga harakat qilyapmiz. Shu bilan birgalikda natija ham juda muhim. Balki hammamiz birgalikda «Andijon»ning g‘alabasini nishonlarmiz, ketdik (kuladi)!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
