Ўзбекистон миллий терма жамоаси Марказий Осиё давлатлари орасида илк бор футбол бўйича жаҳон чемпионатига йўлланма олган мамлакат сифатида янги тарих яратди. Бу ютуқка эришиш учун Элдор Шомуродов етакчилигидаги футболчиларимиз минтақавий саралашнинг учинчи босқичида ўз гуруҳида иккинчи ўринни эгаллаши кифоя бўлди.
Ватанимиз ва қўшни мамлакатларда ушбу тарихий муваффақиятдан сўнг билдирилаётган фикр-мулоҳазалар ҳанузгача тўхтагани йўқ. Қозоғистон Премьер-лигасида таниқли мутахассис Қайрат Нурдаулетов ўз интервьюсида: “Ўзбекистон миллий жамоасининг жаҳон чемпионатига чиқиши — бир кунлик натижа эмас, балки йиллар давомида қилинаётган жамоавий ва тизимли иш натижасидир. Бу жараён камида ўн йиллик ҳаракатларни ўз ичига олади”, — дея таъкидлади.
Унинг фикрича, бу муваффақият фақат футболчилар ва мураббийларнинг меҳнати билан чегараланиб қолмайди. Федерация, давлат расмийлари ва бутун спорт жамоатчилиги биргаликда ҳаракат қилган. Айни вақтда Ўзбекистонда футбол мавзуси парламент даражасида муҳокама қилинаётгани ҳам ўз самарасини бермоқда.
Нурдаулетов таъкидлашича, қўшни мамлакатлар натижасидан илҳомланиб, улардан ўрнак олишдан тортиб, тажриба алмашишгача бўлган йўлдан ҳам бориш керак. “Бизни доим қўшниларимиз билан солиштиришади, аммо уларнинг ютуқларига ҳавас қилиш, натижаларидан илҳом олиш яхши”, — дейди мураббий.
Ҳозирда Марказий Осиё давлатлари футбол соҳасида кўзга кўринарли ривожга эришмоқда. Ўзбекистон, Туркманистон, Тожикистон ва Қирғизистон терма жамоалари Осиё миқёсида жиддий рақобат қилаётгани ва яхши натижалар қайд этаётгани эътироф этилмоқда. Қозоғистон эса, Европа мусобақаларида қатнашиб, янги босқичга чиқди.
Шу билан бирга, минтақада энг юқори маррага етган ва Европанинг топ лигаларида мунтазам иштирок этаётган футболчилар орасида ўзбекистонлик спортчилар алоҳида ўрин тутади. Хусусан, Элдор Шомуродовнинг беш йилдан бери Италия чемпионатида майдонга тушаётгани, Абдуқодир Ҳусановнинг Англия Премьер-лигасида "Манчестер Сити" шарафини ҳимоя қилиши, Лазиз Мирзаевнинг "Леганес" ёшлар жамоасида муваффақиятли фаолият олиб бораётгани минтақамиз ёшларига катта илҳом манбаи бўлди.
Мазкур муваффақият нафақат Ўзбекистонда, балки бутун минтақа футболчилари учун янги марралар сари интилишда кучли туртки бўлмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
