O‘zbekiston milliy terma jamoasi Markaziy Osiyo davlatlari orasida ilk bor futbol bo‘yicha jahon chempionatiga yo‘llanma olgan mamlakat sifatida yangi tarix yaratdi. Bu yutuqka erishish uchun Eldor Shomurodov yetakchiligidagi futbolchilarimiz mintaqaviy saralashning uchinchi bosqichida o‘z guruhida ikkinchi o‘rinni egallashi kifoya bo‘ldi.
Vatanimiz va qo‘shni mamlakatlarda ushbu tarixiy muvaffaqiyatdan so‘ng bildirilayotgan fikr-mulohazalar hanuzgacha to‘xtagani yo‘q. Qozog‘iston Premyer-ligasida taniqli mutaxassis Qayrat Nurdauletov o‘z intervyusida: “O‘zbekiston milliy jamoasining jahon chempionatiga chiqishi — bir kunlik natija emas, balki yillar davomida qilinayotgan jamoaviy va tizimli ish natijasidir. Bu jarayon kamida o‘n yillik harakatlarni o‘z ichiga oladi”, — deya ta’kidladi.
Uning fikricha, bu muvaffaqiyat faqat futbolchilar va murabbiylarning mehnati bilan chegaralanib qolmaydi. Federasiya, davlat rasmiylari va butun sport jamoatchiligi birgalikda harakat qilgan. Ayni vaqtda O‘zbekistonda futbol mavzusi parlament darajasida muhokama qilinayotgani ham o‘z samarasini bermoqda.
Nurdauletov ta’kidlashicha, qo‘shni mamlakatlar natijasidan ilhomlanib, ulardan o‘rnak olishdan tortib, tajriba almashishgacha bo‘lgan yo‘ldan ham borish kerak. “Bizni doim qo‘shnilarimiz bilan solishtirishadi, ammo ularning yutuqlariga havas qilish, natijalaridan ilhom olish yaxshi”, — deydi murabbiy.
Hozirda Markaziy Osiyo davlatlari futbol sohasida ko‘zga ko‘rinarli rivojga erishmoqda. O‘zbekiston, Turkmaniston, Tojikiston va Qirg‘iziston terma jamoalari Osiyo miqyosida jiddiy raqobat qilayotgani va yaxshi natijalar qayd etayotgani e’tirof etilmoqda. Qozog‘iston esa, Yevropa musobaqalarida qatnashib, yangi bosqichga chiqdi.
Shu bilan birga, mintaqada eng yuqori marraga yetgan va Yevropaning top ligalarida muntazam ishtirok etayotgan futbolchilar orasida o‘zbekistonlik sportchilar alohida o‘rin tutadi. Xususan, Eldor Shomurodovning besh yildan beri Italiya chempionatida maydonga tushayotgani, Abduqodir Husanovning Angliya Premyer-ligasida "Manchester Siti" sharafini himoya qilishi, Laziz Mirzayevning "Leganes" yoshlar jamoasida muvaffaqiyatli faoliyat olib borayotgani mintaqamiz yoshlariga katta ilhom manbai bo‘ldi.
Mazkur muvaffaqiyat nafaqat O‘zbekistonda, balki butun mintaqa futbolchilari uchun yangi marralar sari intilishda kuchli turtki bo‘lmoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
