Ислом бирдамлик ўйинларида футзал тақвими тасдиқланди
Ноябрь ойининг биринчи ярмида жаҳон спорт жамоатчилигининг диққат эътибори Саудия Арабистони пойтахти Ар-Риёд шаҳрига қаратилган бўлади. 4-21 ноябрь саналарида 23 спорт турини ўзида жамлаган VI Ислом бирдамлик ўйинлари мухлисларга унутилмас лаҳзаларни тортиқ этади.
Кеча Ислом Бирдамлиги Ўйинларини очиб берувчи футзал мусобақаси тақвими тасдиқланди. Унга кўра жамоалар 2 ноябрь санасига Ар Риёд шаҳрига етиб келиб, машғулотларга киришиши мумкин. Ўша куни жамоа расмийлари иштирокида йиғилиш ҳам бўлиб отади. Гуруҳ босқичи баҳслари 4 ноябрда старт олади. Иккинчи ва учинчи тур учрашувлари 6-8 ноябрь саналарига режалаштирилган.
Гуруҳларда биринчи ва иккинчи ўринларни эгаллаган жамоалар 9 ноябрь куни ярим финалда куч синашади. 11 ноябрда 3-ўрин учун баҳс ҳамда финал ўйинининг гувоҳига айланамиз.
Қуйида Ўзбекистон миллий терма жамоаси ўйинлари тақвими билан танишинг:
1-тур. 04.11.2025-йил, соат 19:00 – 21:30. Саудия Арабистони – Ўзбекистон
2-тур. 06.11.2025-йил, соат 16:00 – 18:30. Ўзбекистон – Озарбайжон
3-тур. 08.11.2025-йил, соат 16:00 – 18:30. Ўзбекистон – Ливия
Манба: https://t.me/Futsal_Uzbekistan
Киритилди: 22:23, 31.10.2025. Ўқилди: 900 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар