Joriy yilning 10-aprel sanasida Liga qoshidagi Tartib-intizom qo‘mitasining navbatdagi yig‘ilishi bo‘lib o‘tdi. Unda mazkur sanagacha bo‘lgan vaqt oralig‘ida O‘zbekiston Superligasi hamda U21 chempionati uchrashuvlarida ishtirokchilar tomonidan yo‘l qo‘yilgan qoidabuzarliklar yuzasidan qaror chiqarildi.
Superliga
«Mash’al» – «Bunyodkor»
Superliga 6-turi doirasidagi «Mash’al» – «Bunyodkor» uchrashuvi hakamidan bildirgi kelib tushgan, unga ko‘ra uchrashuvning 67-daqiqasida «Mash’al» futbol klubi futbolchisi Humoyun Murtozayev o‘yin to‘xtagan vaqtda raqib jamoa futbolchisining qorin qismiga tirsagi bilan zarba bergani uchun qizil kartochka ko‘rsatilgani aniqlandi.
Qaror: O‘zbekiston Professional futbol ligasi Tartib-intizom kodeksining 62-moddasiga asosan «Mash’al» futbol klubi futbolchisi Humoyun Murtozayevga nisbatan 2 ta o‘yinga chetlatish (diskvalifikasiya) intizom chorasi qo‘llanilsin.
«Nasaf» – «Andijon»
Superliga 5-turi doirasidagi «Nasaf» – «Andijon» uchrashuvi komissaridan bildirgi kelib tushgan, unga ko‘ra uchrashuv davomida «Nasaf» jamoasi vakili Alisher Turdiqulov uchrashuv rasmiylariga nisbatan qo‘pol muomala qilgani, haqoratli so‘zlar ishlatgani aniqlandi.
Qaror: Tartib-intizom kodeksining 63-moddasiga asosan «Nasaf» vakili Alisher Turdiqulovga nisbatan jarima intizomiy jazo qo‘llanilsin.
«Navbahor» – «Mash’al»
Uchrashuv tashkil etilishida bir qator kamchiliklar aniqlandi: tarkiblar o‘z vaqtida e’lon qilinmagan, ekranda o‘zgarishlar ko‘rsatilmagan, videoyozuv taqdim etilmagan.
Qaror: Tartib-intizom kodeksining 73 va 76-moddalariga asosan «Navbahor» klubiga jarima qo‘llanilsin.
Shuningdek, 52-daqiqada «Mash’al» futbolchisi Muhammadali Aliqulov hakam qaroriga e’tiroz bildirgani uchun sariq kartochka olgan.
Qaror: jarima intizomiy jazo.
«Dinamo» – «So‘g‘diyona»
Uchrashuvda maxsus jihozlardan foydalanish bo‘yicha talablar buzilgan.
Qaror: «Dinamo» klubiga jarima.
Shuningdek, Jaloliddin Jumaboyev (90+2) vaqtni cho‘zgani uchun sariq kartochka olgan.
Qaror: jarima intizomiy jazo.
«Andijon» – «Navbahor»
«Andijon» bosh murabbiyi Samvel Babayan tomonidan hakamlarga nisbatan keskin e’tirozlar, maydonga chiqish, haqorat holatlari qayd etildi.
Qaror: Tartib-intizom kodeksining 57, 61 va 63-moddalariga asosan Samvel Babayanga jarima qo‘llanildi.
Shuningdek, 55-daqiqadagi e’tirozi uchun klubga ogohlantirish berildi.
«Navbahor» vakili Abdurauf G‘ulomov uchrashuv qaydnomasiga kiritilmagan holda texnik hududda bo‘lgani uchun jazolandi.
Qaror: jarima va lisenziyasi bekor qilinsin.
«So‘g‘diyona» – «Qo‘qon-1912»
Bir qator futbolchilar tomonidan vaqtni cho‘zish holatlari qayd etildi:
Shohrux Isoqov (70), Zoir Jo‘raboyev (81), Oybek Nurmatov (86), Shohrux G‘adoyev (90+1).
Qaror: barchasiga jarima intizomiy jazo.
«Xorazm» – «Dinamo»
Nikola Stoshich (90+4) vaqtni cho‘zgani uchun jazolandi.
Qaror: jarima.
«Surxon» – «Buxoro»
Davron Merganov (56) vaqtni cho‘zgani uchun jazolandi.
Qaror: jarima.
«Mash’al» – «Bunyodkor» (qo‘shimcha holat)
Vlatko Stoyanovski (90+3) hakam qaroriga e’tiroz bildirgan.
Qaror: jarima.
OKMK – «Surxon»
Dostonbek Tursunov (70) simulyasiya qilgani uchun sariq kartochka olgan.
Qaror: jarima.
«Neftchi» – «Paxtakor»
Paxtakor futbolchilari tomonidan vaqtni cho‘zish holatlari:
Rustam Turdimurodov (60), Sanjar Quvvatov (78), Bashar Resan (90+5).
Qaror: barchasiga jarima intizomiy jazo.
U-21 chempionati
OKMK U21 – «Surxon» U21
Asrorbek Otaxonov (76) raqibga zarba bergani uchun qizil kartochka olgan.
Qaror: 2 ta o‘yinga diskvalifikasiya.
Shuningdek, «Neftchi» – «Paxtakor» hamda «Qo‘qon-1912» – «Nasaf» uchrashuvlarida yuzaga kelgan holatlar hozirda qo‘mita tomonidan qo‘shimcha o‘rganilmoqda.
PSJ
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
