УЕФА Жаҳон чемпионати ҳуқуқларини сотиш режаси туфайли ФИФАга суд даъвоси билан таҳдид қилди.
УЕФА Жаҳон чемпионати ҳуқуқларининг бир қисмини сотиш режаси муносабати билан ФИФА президенти Джанни Инфантинога қарши даъво аризаси киритиш имкониятини кўриб чиқмоқда.
Аввалроқ ФИФА турнир ҳуқуқларини сотиш учун «FIFA Forward Enterprise» (FFE) номли янги тижорат тузилмасини ташкил этишни режалаштираётгани маълум бўлган эди. Кейинчалик Инфантино футбол конфедерациялари томонидан билдирилган танқидлар ҳамда УЕФАга аъзо мамлакатлар томонидан ЖЧга бойкот эълон қилиниши таҳдиди фонида бу ғоядан воз кечишга қарор қилганди.
The Telegraph хабарига кўра, УЕФА раҳбарияти ФИФА ва Инфантинони FIFA Forward Enterprise лойиҳаси билан боғлиқ ҳеч қандай материалларни йўқ қилмасликдан огоҳлантирган. Европа футбол ассоциациялари иттифоқи, шунингдек, Дональд Трампнинг куёви Жаред Кушнернинг акаси Джошуа Кушнерни ҳам эҳтимолий суд даъвоси ҳақида хабардор қилган — ФИФА шўъба корхонаси акцияларининг 20 фоизини айнан унга сотишни режалаштирган эди. Бундан ташқари, лойиҳани тайёрлашда иштирок этган BANN Ventures раҳбари Грег Маффей, JP Morgan банки ва OpenEconomics ташкилотига ҳам тегишли хатлар юборилган.
«УЕФА FFE’ни ташкил этиш бўйича таклиф қилинган режадан келиб чиққан ҳолда, суд даъволари ва/ёки назорат қилувчи органларга шикоятлар беришни фаол равишда кўриб чиқаётгани ҳақида расман хабардор қилади.
Сиз ва ФИФА ихтиёрингизда, сақланишингизда ёки назоратингизда бўлган, ушбу огоҳлантиришда тавсифланган барча ҳужжатлар ҳамда электрон шаклда сақланаётган маълумотларни зудлик билан аниқлаш, жойлашувини белгилаш ва сақлаб қолиш чораларини кўришингиз шарт. Ушбу мажбуриятлар сиз ёки ташкилотингиз томонидан қўллаб-қувватланадиган ҳар қандай ички сақлаш сиёсатидан қатъи назар юзага келади ва акс ҳолда қўлланилиши мумкин бўлган ҳужжатларни йўқ қилишнинг одатий қоидаларидан устун туради.
УЕФА, шунингдек ФИФАнинг бошқа конфедерациялари, аъзо-ассоциациялари ва манфаатдор томонлари FFE режасини футболнинг тўғри бошқарувига тубдан мос келмайдиган деб кескин қораладилар. Суд жараёни бошланишини кутиш мантиқан тўғри эканлигини инобатга олиб, сиз зудлик билан сиздаги сизда мавжуд бўлган тегишли материалларни сақлаб қолишга мажбурсиз», — дейилади УЕФА томонидан ФИФА президентига юборилган хатда.
Хатда таъкидланган ва тегишли маълумотларга эга бўлган шахслар орасида Инфантинодан ташқари ФИФАнинг глобал ривожланиш бўлими раҳбари Арсен Венгер, бош котиб Маттиас Графстрём ва операцион директор Кевин Ламур ҳам тилга олинган.
«УЕФА ушбу огоҳлантириш олинганидан сўнг — ёки бўлажак суд жараёни ҳақида билган ёки ақлан билишингиз керак бўлган ҳар қандай олдинроқ санадан сўнг — тегишли материалларнинг ҳар қандай йўқ қилиниши, ўчирилиши, ўзгартирилиши, яширилиши ёки йўқотилиши далилларни ўғирлаш деб баҳоланиши мумкинлигини расман маълум қилади. УЕФА бундай йўқ қилиш ёки йўқотиш бўйича суд жараёнида тегишли ҳуқуқий ҳимоя чораларини кўриш, жумладан номақбул хулосалар чиқариш, санкциялар қўллаш ва айбдор томон ёки томонлардан харажатларни ундириш бўйича аризалар бериш ҳуқуқини ўз орқасида сақлаб қолади», — дейилади хатда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
