Бугун Ўзбекистон биринчилиги иккинчи босқичнинг 13-тур учрашувлари бўлиб ўтди. Ўз майдонида Самарқанднинг “Шердор” жамоасини қабул қилган андижонликлар учун бу ўйин ўзгача аҳамият касб этарди. Чунки Абдураимов шогирдлари бу учрашувда ғалаба қозонишса, олий лига масаласини муддатидан олдин ҳал этишарди. Шу боис “Андижон” футболчилари кўтаринки кайфиятда майдонга тушишди.
Учрашувнинг 3-дақиқасидаёқ мезбонлар ҳисобни очишлари мумкин эди. Аммо Лочин Солиев яқин масофадан дарвозани ишғол қила олмади. 12-дақиқада Баҳром Абдураҳимовнинг зарбаси эса бироз ноаниқ кетди. Ниҳоят 21-дақиқага келиб ҳисоб очилди. Сардор Соибовни чап қанотдан кириб оширган тўпини Абдураҳимов дарвозага аниқ йўллади. Ҳисоб очилгандан кейин ҳам мезбонлар ҳужум қилишда давом этишди. Биринчи тайм охирида “Шердор” дарвозабонининг хатосидан унумли фойдаланган мезбонлар иккинчи тўпни ҳам киритишди. Тажрибали Лочин Солиев яқин масофадан бу сафар адашмади.
Иккинчи бўлимни ҳам жамоамиз ҳужумкор руҳда бошлади. 53-дақиқада Соибовни жарима майдони ичида йиқитишди ва “Шердор” дарвозасига пенальти белгиланди. Алишер Тўхтасинов пенальтини аниқ бажариб ҳисобни йирик кўринишга келтирди. Орадан кўп ўтмай тўртинчи гол ҳам меҳмонлар дарвозасидан жой олди. Ғиёс Комилов боши билан дарвозани ишғол қилди. Учрашув охирларида самарқандликлар битта жавоб тўпини киритишган бўлса, шу захоти Расул Раҳмонов кучли зарбаси билан жавоб қайтариб ҳисобни 5:1 кўринишига келтирди.
Шу тариқа “Андижон” жамоаси ҳам “Машъал”дан сўнг олий лига масаласини муддатидан олдин ҳал этди. Бир йиллик танаффусдан кейин андижонликлар яна кучлилар сафига қайтишди. Ўйиндан сўнг бутун жамоа ва мухлислар байрам қилиб юборишди.
Биринчи лига, Иккинчи босқич, 13-тур
“АНДИЖОН” - “ШЕРДОР” - 5:1 (2:0)
13 октябрь. Андижон. “Соғлом авлод” стадиони.
Ҳакамлар: Д.Каримов, Б.Баҳромов, Э.Турсунов.
Назоратчи: А.Клепиков.
“Андижон” :С.Смородин, Д.Турсунов (А.Тўхтасинов, 46), А.Азизов, Ғ.Комилов, Б.Абдураҳимов (Т.Маҳмудов, 60), Л.Солиев (А.Жўрабоев, 66), А.Жадигеров (У.Усмонов, 74), Ф.Ҳасанбоев (Д.Маҳмудов, 46), Р.Раҳмонов, А.Раҳмонов, С.Соибов.
“Шердор”: Ш.Муродов, И.Холмирзаев, Б.Очилов, Э.Элмуродов (У.Хотамов, 65), У.Набиев, Ф.Маҳмуджонов, Ш.Камолов, О.Турсунов, Н.Сафаров, Т.Қобилов, М.Маҳмудов (Т.Собиров, 56).
Голлар: Б.Абдураҳимов, 21 - 1:0. Л.Солиев, 45+2 - 2:0. А.Тўхтасинов, 54-пен. - 3:0. Ғ.Комилов, 65 - 4:0. Б.Очилов, 44 - 4:1. Р.Раҳмонов, 90 - 5:1.
Огоҳлантиришлар: Б.Очилов, 34. А.Раҳмонов, 42. Н.Сафаров, 45. А.Азизов, 57. Ғ.Комилов, 78.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
