"Иртиш" футбол клуби матбуот хизмати жамоа ҳужумчиси ва сардори Улуғбек Бақоевга жамоада юзага келган вазият ва келажак режалари борасидаги саволлари билан мурожаат қилди.
"Ҳозирча барча таътилда, дам оляпмиз. Янги мавсумга тайёргарликнинг дастлабки ўқув-машғулот йиғини учун жамоа деярли аввалги таркиб билан йиғилади. Фақат 2-3 нафа ўйинчи бошқа жамоага ўтишга қарор қилган. Яширмайман, кўп футболчиларга бошқа жамоалардан таклифлар тушган, лекин улар юзага келган молиявий жиҳатдан қийин вазиятга қарамай, жамоада қолишга қарор қилишди. Ойлий маошлар бўйича йиғилиб қолган қарзларни клуб тўлашни бошлади. Ушбу муаммо тўлиқ бартараф этилишига ишонч бор. "Иртиш"дан ташқари Қозоғистоннинг 2-3та клубида ўйнадим. Бу ерда соғлом ва яхши муҳит юзага келганки, бу ҳолат менга ёқади. Буни айтиш менинг бурчим. Ойликлар борасида узилишлар юзага келганида биз тўполон қилмадик, жамоа олдига ультиматум қўймадик. Фақат барчаси узоқ чўзилиб кетганидан кейин жамоатчиликка маълум қилинди. Шунда хам турли сабабларга кўра асосий таркибга кирмаган ёки жамоани тарк этган айрим ўйинчилари федерацияга ариза билан мурожаат қилишди. "Иртиш" тушиб қолган ҳолат бу янгилик эмас. Ҳозирги пайтда совриндорлар қаторида юрган жамоалар ҳам ўз вақтида шундай вазиятга тушишган. Яъни бундан ҳеч ким суғурталанмаган. Тўғрисини айтаман, биз футболчилар қатъий талаб қўювчи бўламиз, ҳар доим ҳам юзага келган вазиятни тўғри тушунавермаймиз. Бизнинг ҳолатда эса, жамоа ва вилят раҳбарияти вазиятдан чиқиб кетиш йўлини излади, футболчи жамоатчилиги — мухлислар, фахрийлар, журналистлар вазиятни назоратга олишди, қўнғироқ қилиб туришди, олдимизга келиб, бизни қўллаб-қувватлаб, таскин бериб туришди. Биз улардан юз ўгириб кета олмасдик. Қандай қилиб бу аҳволда Европа лигасида ўйнаганимизга ҳозир кўпчилик ҳайрон қолмоқда. "Левски"ни ортда қолдирдик, сал қолса учинчи саралаш босқичига ҳам чиқишимиз мумкин эди. Чемпионатда эса деярли охирги муддатгача медаллар учун курашдик. Буларнинг барчаси бизга куч берди ва жамоанинг аҳиллиги эвазига бунга эришдик. Асаблар таранглашганда эса ўзар тортишувлар ҳам юзага келди, бироқ аҳиллик эвазига бундан ҳам чиқиб кетдик. Ўзим учун кўп фойдали нарсалар олдим. Икки йилдан кейин футболни якунлаб, мен ҳам бундай масалалар билан шуғулланишимизга тўғри келар. Ана ўшанда ушбу тажриба менга қўл келади. Кўп нарса бош мураббийга боғлиқ. Бизнинг Маруанович, Талғат Маруанович Байсуфинов, ақлли, келажаги порлоқ мураббийимиз йилдан-йилга тажрибали ва етук мутахассис бўлиб бормоқда. Унинг энг муҳим инсоний хислати — у ҳалол. Баъзида тезлашиб кетади, аммо у бошқанинг чўнтагига кўз олайтирмайди. Ҳаммасини тезда унутади, кек сақламайди ва ҳақиқатни тан олишдан чўчимайди.
Жамоанинг кайфият яхши. Агар барчаси жойида бўлса, "Иртиш" янги мавсумда ҳали ўзини кўрсатади", дейди Улуғбек Бақоев.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
