«Насаф»нинг «Карпати»га қарши ўйини ноқулай об-ҳаво туфайли бекор қилинди
Туркияда йиғин ўтказаётган "Насаф" жамоасиинг режага кўра бугун Украинанинг "Карпати" клуби билан назорт учрашуви ўтказиш режалаштирилган эди. Аммо бугун Анталияда ноқулай об-ҳаво, яъни кучли шамол туриб, кучли ёмғир ёққани сабабли учрашувни ўтказишни иложи бўлмаган. Ҳар иккала томон бу ҳақда келишиб, учрашувни бекор қилишган.
Бундан ташқари кучли чақмоқ ҳам бўлган. Шунинг учун жамоалар мураббийлари ўз шогирдларига бугун ёпиқ иншоотларда машғулотларни давом эттиришни тавсия қилишган. Бу ҳақда "Насаф" ПФК матубот хизмати расмий твиттер саҳифаси орқали ҳамда "Карпати" клубининг расмий сайтида ҳам хабарлар берилди.
Шундай қилиб, Анталиядаги йиғин давомида режалаштирилган 7та назорат учрашувнинг 4таси бўлиб ўтди. "Насаф" жамоаси ушбу назорат учрашувларининг 3тасида ғалаба ва биттасида мағлубиятга учради. Бугун Анталиядаги йиғиннинг охирги куни, эртага жамоа аъзолари ва расмийлари Туркиядан юртимизга қайтиб келишади. Қисқа танаффусдан сўнг "Насаф" жамоаси БААга хорижий йиғиннинг иккинчи қисмини ўтказиш учун жўнаб кетишади.
Манба: www.voha.uz
Киритилди: 22:50, 25.01.2014. Ўқилди: 3290 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар