"Ливерпуль" бош мураббийи Антонио Конте Италия чемпионатининг 22-турида "Интер" мағлубиятга учратилгач (3:1), албатта натижадан қониққанини таъкидлади. Унинг сўзларига кўра, жамоа яна ҳам кўпроқ гол уриши мумкин эди, бироқ "нерадзурралар" посбони Самир Ханданович ажойиб ҳаракат қилган. Бундан ташқари, Конте ҳужумчи Пабло Освальдо ҳақида ҳам фикр билдирди.
"Ғалаба қозонганимиз яхши бўлди. Ўйинга тайёрланиш асносида биз рақибимиз ўйинларини ҳар дақиқасини диққат билан кузатдик. "Интер"нинг айниқса Андреа Пирлога катта эътибор қаратишини ҳисобга олдик. Натижада "Юве" яхши ўйин кўрсатди, аммо рақибимизга гол уриш имкониятини бериб, ўз асабларимизни бузганимиз яхши бўлмади.
Жамоам "Интер" дарвозасига яна голлар уриши мумкин эди, бироқ қайсидир сонияларда Ханданович маҳорат намойиш этаверди. Шунисига ҳам розиман.
Освальдога келсак, у билан шартнома имзолашни истаганимизнинг сабаби, унинг ўзи жамоамизга қўшилишни жуда хоҳлади. Ўйин ўз маошининг камайиши ҳисобига бўлса ҳам жамоага қўшилишни истаётган экан, бу истак доим ҳурматга лойиқ. Олдимизда Италия чемпионатининг мураккаб қисми турибди. Европа лигаси баҳслари ҳам бор. Бундай шароитда таркибдаги рақобат ортиқчалик қилмаслиги аниқ.
Матнда хатолик топсангиз, ўша хатони белгилаб, бизга жўнатинг (Ctrl + Enter).