"Милан" бош мураббийи Кларенс Зеедорф бугунги рақиби - "Атлетико"нинг ҳимоясидаги ўзи айтмоқчи "тешиклар"дан фойдаланмоқчи.
"Жамоа тайёр. Биз охирги вақтларда яхши ўйин кўрсатиб келаётган рақиб билан ўйнаймиз. Кайфиятимиз жойида, ўйин жуда зўр ўтади. Ўз меҳнатларимизнинг самарасини кўрсатиш учун яхши имкониятга эгамиз. Чемпионлар лигаси - ўзига хос мусобақа ва биз Италия шарафини ҳимоя қилаётганимиздан хурсандмиз.
"Атлетико" - ҳурматга лойиқ клуб. Жамоа ажойиб таркибга эга, аммо ҳимояда "тешиклар" бор. Биз шундан фойдаланмоқчимиз. Қўлимиздан келган барча ишни қилиб, жанговар жанг олиб борамиз. Олдимиз энг муҳим ўйин, аммо биз ўзимизни қўлга олиб, хотиржам ҳолда майдонга тушамиз. Бу тўғри ёндашув.
"Атлетико" бош мураббийи лавозимида муваффақиятли иш олиб бораётган Диего Симеонени табрикламоқчиман. Унга энг яхши тилакларни тилайман, аммо эртанги ва жавоб баҳсларига эмас", - дейди Зеедорф.
Матнда хатолик топсангиз, ўша хатони белгилаб, бизга жўнатинг (Ctrl + Enter).