Матбуот анжуманининг иккинчи қисмида “Навбаҳор” устози Бахтиёр Ашурматов ОАВ вакилларининг саволларига жавоб қайтарди: “Учршувни мухлислар интиқлик билан кутишганди. Афсуски, ишқибозларимиз кутган ўйинни кўрсата олмадик. Футболчиларимиз устунликка эришиб, ижобий натижа учун бор кучларини беришди. Шогирдларим мухлислар хурмати учун ҳам борларини бериб ҳаракат қилишди. Гарчи ютуқни қўлга кирита олмаган бўлсакда, мухлисларимиз жамоамизни қўллаб-қувватлашди. Бунинг учун уларга миннатдорчилик билдириб ўтаман. Ўйин якунланишига беш дақиқа қолганида, ҳимояда эътиборни йўқотганлигимиз боис ғалабани бой бердик. Шундай тарзда ишлашда давом этадиган бўлсак, кейинги турларда ижобий натижаларга умид қилсак бўлади. Чемпионат бошланиши олдидан ҳам, ҳозир ҳам йигитларга доим ўйинимизга мухлислар баҳо беришади деб айтиб келганман. Дуранг қайд этганимиз учун ишқибозларимизни кайфиятлари тушкин бўлсада, жамоамиз кўрсатган ўйиндан қониқиш ҳосил қилганликлари учун миннатдорчилик билдирган ҳолда ўйингоҳни тарк этишди. Фарғоналиклар дастлабки икки турдаги мағлубиятдан кейин уларни ютқазишга ҳаққилари йўқ эди. Лекин, ўйин давомида “Нефтчи”ни дуранг учун курашганлиги яққол кўзга ташланди. Камчиликда қолганимизда ҳам уларни шошилмасдан ҳаракат қилганликлари ҳам фикримга мисол бўла олади. Очиғини айтганда, рақиб ёки ҳакамлар ҳақида гапиришни ёқтирмайман. Футболчиларга доимо биринчи навбатда одамгарчилик ва инсонийликни қўйинглар деб уқтириб келаман. Агар рақиб жамоаси тўпни майдон ташқарисига жароҳат туфайли чиқариб юборган бўлса, тўпни қайтариб беринглар ёки бўлса рақиб жамоа футболчиси жароҳат олган чоғда тўпни майдон ташқарисига чиқариб юбориш талабини қўяман. Учрашувда “Нефтчи” футболчилари ҳалол ўйин қоидасига амал қилишмади. Яъни футболчиларимиз жароҳат олган ҳолатда тўпни майдон ташқарисига чиқариб юборишган бўлсада, рақиб уни бизга қайтариб бермади. Буни нотўғри деб ўйлайман. Футболчимиз жароҳат олган пайтда рақибни тўпни ташқарига чиқариб юбормасдан ўйнаши мумкин. Бироқ, бизникилар чиқариб юборган тўпни қайтаришлари керак эди деб ўйлайман”.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
