2014 йилнинг 5-12 май кунлари Тошкент шаҳрида Халқаро Олимпия қўмитасининг “Олимпия бирдамли” дастури асосида ўқ отиш спорт тури бўйича халқаро ўқув-амалий семинар ўтказилди.
Халқаро Олимпия қўмитаси, Ўзбекистон Миллий Олимпия қўмитаси, Халқаро ҳамда Ўзбекистон ўқ отиш федерацияси ҳамкорлигида ташкил этилган семинарда мамлакатимизнинг 15 нафар ўқ отиш спорт тури бўйича мураббийлари назарий ҳамда амалий билимларини янада бойитдилар.
Мазкур халқаро семинарни ўтказиш учун Халқаро ўқ отиш федерациясининг етакчи мутахассисларидан бири, британиялик Аллен Варрен Винсент таклиф этилди.
Халқаро семинар уч босқичда ташкил этилиб, унинг якунида иштирокчиларнинг олган билим ва кўникмалари имтиҳондан ўтказилди.
“Ўзбекистонда ўтказган бир ҳафталик давр хаётимда энг ёрқин дамлардан бири бўлиб қолди – дейди Халқаро ўқ отиш федерациясининг етакчи мутахассиси Аллен Варрен Винсент. Халқаро семинар жуда ҳам юқори савияда ташкил этилган. Шу ўринда таъкидлаш жоизки, Ўзбекистонда ўқ отиш спорт турини ривожлантириш борасида катта хажмдаги ишлар амалга оширилмоқда. Бу ўз навбатида юртингиз спортчилари томонидан халқаро майдонларда эришилаётган муваффақиятларда ҳам яққол намоён бўлмоқда. Умид қиламанки, халқаро семинарда тажриба ва маҳоратини янада оширган мутахассислар ўз билимларини амалиётда қўллашади ва бу ўз навбатида ўқ отиш спорт турини янада тараққий этишига хизмат қилади”.
“Аввало мана шундай семинарларни ташкил этилгани учун Давлатимизга, шу жумладан, Ўзбекистон Миллий Олимпия қўмитасига ўз миннатдорчилигимни изҳор этмоқчиман. Халқаро семинарда янги технологиялар бўйича, шунингдек, қоидаларга киритилган энг сўнгги ўзгаришлар билан яқиндан танишдик. Шахсан мен учун мазкур семинар катта маҳорат мактаби вазифасини ҳам ўтаб берди. Эндиликда бу ерда бойитган тажрибамизни амалиётда қўллаймиз ва Ўзбекистонда ўқ отиш спорт турини янада ривожлантиришга муносиб ҳисса қўшишни ўз олдимизга мақсад қилганмиз” – дейди халқаро семинар тингловчиларидан бири Шерзод Мамажонов.
Бугун Халқаро семинарнинг якунига бағишлаб ўтказилган тадбирда Ўзбекистон Миллий Олимпия қўмитаси Бош котиби Ойбек Касимов барча мураббийларни Халқаро Олимпия қўмитасининг махсус сертификатларига эга бўлганликлари билан қутлаб, келгуси фаолиятларида омад ва зафарлар тилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
