ОФК комиссияси «Бунёдкор»ни текширувдан ўтказди
ОФК мутахассислари 8 август, жума куни “Бунёдкор” ФКда бўлишди.
Осиё Футбол Конфедерациясининг тўрт нафар эксперти Осиё Чемпионлар лигаси турнирининг 2015-2016 мавсумлари учун клубларни лицензиялаш борасидаги текширувини “Бунёдкор” футбол клубида олиб боришди.
Осиё Футбол Конфедерацияси Осиё Чемпионлар лигасининг 2015-2016 йилги мавсумлари учун қитъамизнинг клублар ўртасидаги энг нуфузли турнирида иштирок этиши мумкин бўлган мамлакат футболининг етакчи клубларини текширувдан ўтказишмоқда.
Бу борада қитъамиз футболи мутахассислари Ўзбекистоннинг тўрт клуби – “Пахтакор”, “Бунёдкор”, “Локомотив” ва “Насаф” жамоалари офисларига ташриф буюриб, ўзларини қизиқтирган саволлари бўйича клуб вакилларидан жавоб олишмоқда. Асосий мақсад, клубларнинг молия (бухгалтерия ҳисоб-китоби) ва маркетинг бўлимлари, болалар футболига қаратилаётган эътибор ва жамоанинг уй учрашувлари учун белгилаган стадион ҳолати, унда яратилган шарт-шароитлар, хавфсизлик масалалари ва шу кабиларни текширувдан ўтказишди.
ОФК экспертлари “Бунёдкор” ФК билан танишишдан аввал мусобақанинг кейинги мавсумлари учун регламентда амалга оширилган ўзгаришлар хусусида сўзлаб беришди. Шунингдек, Осиё Чемпионлар лигасидаги учрашувларни ташкил этиш борасидаги махсус видеороликни клуб ходимларига намойиш этишиб, имкон қадар ушбу намуна асосида иш юритиш лозимлигини таъкидладилар.
ОФКнинг ушбу комиссияси “Бунёдкор” ФК билан танишиб чиқар экан клубда олиб борилаётган ишларга юқори баҳо берди. Осиё Чемпионлар лигасида мунтазам иштирок этиб келаётган қитъадаги ягона клуб – “Бунёдкор”ни кейинги йилги турнирда ҳам албатта қатнишишига умид билдиришди.
Ушбу комиссия раҳбари Стив Ким “Бунёдкор” қитъанинг етакчи жамоаси эканлигини уларга тақдим этилган хужжатлар ҳам тасдиқлаганини алоҳида эътироф этди. Шунингдек, жаноб Стив Ким келаси йилги мусобақа финали “Бунёдкор” стадионида ўтказилиши учун барча шарт-шароитлар муҳайё эканлигини ва бунинг учун клубнинг имкониятлари анча яхши эканлигига ҳам урғу бериб ўтди.
Қисқа қилиб айтганда, ОФК комиссияси текширувидан “Бунёдкор” футбол клуби юқори баҳога муносиб тарзда ўтди.
Манба: www.fcbunyodkor.com
Киритилди: 09:30, 09.08.2014. Ўқилди: 6651 марта. Фикрлар: 4 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
