Ўзбекистон миллий олимпия қўмитасининг Бош котиби Ойбек Касимов 2014 йилнинг 7-8 ноябрь кунлари Бангкок шаҳрида ўтказиладиган Миллий олимпия қўмиталари ассоциациясининг (МОҚА) XIX Бош Ассамблеясида иштирок этиш учун бугун Таиланд пойтахтига жўнаб кетди.
Шу ўринда таъкидлаш жоизки, Миллий олимпия қўмиталари ассоциацияси мустақил ташкилот бўлиб, 1969 йилда Халқаро олимпия қўмитаси томонидан тан олинган. Бугунги кунда Миллий олимпия қўмиталари ассоциациясига дунёнинг 205 давлати Миллий олимпия қўмиталари аъзо ҳисобланади.
Бу йилги ассамблея йиғилишида дунёнинг 200 дан зиёд давлатларнинг МОҚ раҳбарияти, шунингдек, Халқаро олимпия қўмитаси, Миллий олимпия қўмиталари ассоциацияси ҳамда халқаро спорт ташкилотларининг раҳбарлари иштирок этадилар.
“Ассамблея йиғилишида Миллий олимпия қўмиталари ассоциацияси президенти, Осиё олимпия кенгаши раҳбари Шайх Аҳмад Ал-Фаҳад Ас-Сабоҳ, шунингдек МОҚА Бош котиби ҳамда қитъавий вице-президентлар, МОҚАнинг турли комиссия ва бўлимлари раҳбарларининг ўтган давр мобайнида амалга оширилган ишлар ҳамда истиқболдаги режалар юзасидан маърузалари тингланиб, МОҚАнинг 2014-2018 йиллардаги раҳбарияти сайланади. Бундан ташқари ассамблея йиғилишида 2016 йили Рио-де-Жанейро шаҳри (Бразилия)да ва 2020 йили Токио (Япония)да ўтказиладиган ёзги Олимпия ўйинлари, шунингдек, 2016 йили Норвегиянинг Лиллихаммер шаҳрида ҳамда 2018 йили Буэнос-Айрес (Аргентина)да ўтказиладиган қишки ва ёзги ўсмирлар олимпиада ўйинлари, 2018 йили Жанубий Кореянинг Пхёнчхан шаҳрида ўтказиладиган қишки олимпиада ўйинлари ташкилий қўмиталари раҳбарларининг тайёргарлик ишлари бўйича ҳисоботлари тингланади. Ассамблея йиғилишида қитъавий мусобақаларнинг ташкилий қўмита раҳбарлари ҳамда Бутунжаҳон допингга қарши агентлиги раҳбари Крейг Риди ҳам ўтган давр мобайнида амалга оширилган ишлар юзасидан маъруза қилади. Сафар давомида Халқаро олимпия қўмитаси, Осиё олимпия кенгаши ва турли давлат МОҚлари раҳбарияти билан учрашувлар ҳам режалаштирилган, - дейди Ўзбекистон миллий олимпия қўмитаси бош котиби Ойбек Касимов.
Миллий олимпия қўмиталари ассоциациясининг Бош Ассамблеясида Олимпия бирдамлиги дастури бўйича амалга оширилган сайи-ҳаракатлар ҳамда 2022 йилги қишки Олимпиада ўйинларининг мезбонлигига даъвогар давлатлар вакилларининг тайёргарлик дастури билан боғлиқ масалалари юзасидан ҳам маърузалар тингланади.
Маълумот учун. Миллий олимпия қўмиталари ассоциациясининг Бош Ассамблеяси ҳар икки йилда ташкил этилади. Миллий олимпия қўмиталари ассоциациясининг XVIII Бош Ассамблеяси 2012 йили Москва шаҳри (Россия)да ўтказилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
