Тошкентдаги «Олимпия шон-шуҳрати» музейида Ўзбекистон Маданият ва спорт ишлари вазирлиги томонидан «Ёшлар камолотида жисмоний тарбия ва спортнинг ўрни ва уни ривожлантириш истиқболлари» мавзусида матбуот анжумани ўтказилди.
Ўзбекистон маданият ва спорт ишлари вазирининг биринчи ўринбосари М.Алиев ва бошқалар Президентимиз Ислом Каримов раҳнамолигида жисмоний тарбия ва спортни ривожлантиришга қаратилаётган доимий эътибор ёшларимизнинг ҳар томонлама соғлом ва баркамол улғайиши, улар орасидан халқаро майдонларда Ватанимиз шарафини муносиб ҳимоя қилишга қодир иқтидорли спортчилар кашф этилишига хизмат қилаётганини таъкидлади.
Давлатимиз раҳбари ташаббуси билан 2002 йилда Ўзбекистон Болалар спортини ривожлантириш жамғармаси ташкил этилгани, ўтган йилларда юртимизнинг барча ҳудудида замонавий шароитларга эга юзлаб спорт мажмуалари, болалар ва ўсмирлар спорт мактаблари, сузиш ҳавзалари, стадионлар фойдаланишга топширилгани бу жараёнда алоҳида аҳамият касб этмоқда.
Ўғил-қизларни спортга кенг жалб этиш, профессионал спортчиларни тарбиялаш мақсадида уч босқичли “Умид ниҳоллари”, “Баркамол авлод” ва Универсиада спорт мусобақалари жорий қилингани ёшларимизнинг соғлом бўлиб улғайиши баробарида уларнинг истеъдод ва салоҳиятини юзага чиқаришда ҳам муҳим ўрин тутмоқда.
Анжуманда вазирлик томонидан «Соғлом бола йили» Давлат дастурида белгиланган вазифалар ижроси юзасидан амалга оширилган ишлар хусусида маълумот берилди.
Таъкидланганидек, жорий йилнинг тўққиз ойи давомида аҳоли, айниқса, ёшлар ўртасида соғлом турмуш тарзини тарғиб қилиш, жисмоний тарбия ва спортни оммалаштириш мақсадида 5300 га яқин оммавий спорт тадбири ўтказилиб, уларга 1,5 миллиондан зиёд иштирокчи жалб этилди. Вояга етмаганлар ўртасида ташкил этилган тўрт мингдан зиёд турли мусобақаларда 974 мингдан ортиқ ўғил-қиз қатнашди.
Юртимизда бадиий гимнастика, бокс, таэквондо, эркин ва юнон-рум кураши, оғир атлетика бўйича жаҳон ва қитъа чемпионатлари, жаҳон ва Осиё кубоги мусобақалари, нуфузли турнирлар юқори савияда ўтказилди.
Давлатимиз раҳбарининг 2013 йил 25 февралдаги “Ўзбекистон спортчиларини 2016 йилда Рио-де-Жанейро шаҳрида (Бразилия) бўлиб ўтадиган XXXI ёзги Олимпия ва XV Паралимпия ўйинларига тайёрлаш тўғрисида”ги қарори халқаро майдонларда қўлга киритилаётган муваффақиятларимиз салмоғини янада юксалтириш ҳамда мамлакатимизда олимпия ҳаракатини ривожлантиришда янги босқични бошлаб берди.
Жорий йилнинг тўққиз ойи давомида спортчиларимиз 177 халқаро мусобақада муносиб иштирок этиб, 186 олтин, 200 кумуш, 239 бронза медални қўлга киритгани бунинг яққол тасдиғидир.
Тадбирда ёшларни спортга кенг жалб этиш, спортчиларимизнинг 2016 йилги ёзги Олимпия ўйинларига пухта тайёргарлик кўриши ва келгуси йили Олимпиадага йўлланма берувчи халқаро мусобақаларда муносиб иштирок этишини таъминлаш масалалари муҳокама қилинди, журналистларнинг саволларига жавоб берилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
