Шимолий Корея футбол ассоцияцияси хорижий алоқалар бўлими бошлиғи Ри Канг Хонг Япониянинг «Sankey Sports» нашрига интервью бериб, Шимолий Корея терма жамоасидаги ички қоидалар ва кундалик ҳаёт тарзини сўзлаб берди:
«Шимолий Кореяда футболчилар болаликдан доим тўда бўлиб юришади. Ҳеч қачон ёлғиз юришмайди», дея сўзини бошлади ва нега шимолий кореялик футболчилар хорижий ОАВларга интервью беришдан бош тортишларига изоҳ берди, «Битта футболчи ҳаммадан ажралиб интервью беришни ўзига эп кўрмайди. Ўзингиз ўйлаб кўринг: бир футболчи интервью бериб турсаю футболчилар тўла автобус кутиб турса - шу яхшими? Бизда тартиб бор. Бундан ташқари футболчиларимиз ўта камтардирларки, интервью беришдан тортинадилар. Ростини айтганда, бизда профессионал футболчилар йўқ. Шунинг учун бундай нарсалар футболчиларимизни ҳижолатга қўяди».
Япон ОАВларига кўра, Шимолий Корея терма жамоасида мураббийлар штаби футболчилардан пастки поғонада туради. Яъни, футболчиларнинг хоҳишлари биринчи ўринда туради. Бу ҳақда жаноб Ри шундай дейди:
«Албатта, футболчи майдондаги жангчидир. Бу инобатга олинади. Масалан, самолётда учиш ҳорғинликни келтириб чиқаради. Шунинг учун мураббийларимиз эконом классда, футболчиларимиз эса бизнес классда учишади. Ошхонада овқатланганда аввал футболчилар овқатланади ва улардан қолган овқатни мураббийлар ейишади. Бизда шундай қоида. Футболка ва бутсига оид харажатларни футболчилар тўлашади. Бу борада ҳомийимиз йўқлигини яшириб ўтирмайман. Хорижий сафарлар давомида футболкани футболчиларимиз ўзлари ювишади ва кийишади. Футболкани камдан-кам ҳолларда ювиб кийишади. Кир ювишга кетадиган харажатларни иқтисод қилиш ва энг асосийси футболкадаги давлатимиз байроғининг ҳурмати юзасидан ювмай кийишади. Хорижга сафарда кўчада кийиладиган кийимлар алоҳида берилмайди. Бутсини ҳам футболчилар ўзлари билганича ҳал қилишади».
Футболчиларнинг бўш вақтларини қандай ўтказишлари ҳақида Шимолий Корея футболи раҳбари қуйидагиларни сўзлаб берди:
«Хорижий сафарларда терма жамоамиз футболчиларига албатта эркинлик берилади. Футболчиларимиз бўш вақтларида асосан чет элда яшовчи корейс миллати фестивалларида қатнашишади. Шунингдек, футболчиларимиз «Гарри Поттер» ҳақидаги китобларни ўқишади ва инглиз тили ўрганишади. ДВД дискларини сотиб олиб, фильмлар кўришади. Табиийки, бу китоблар ва дискларни Шимолий Кореяга олиб кириш мумкин эмас. Бизнинг футболчилар ҳам бошқа мамлакат футболчиларидан фарқ қилмайди. Лекин негадир чет эл ОАВлари бизнинг футболчиларга ўзга сайёраликка қарагандек «рангли кўзойнак тақиб» қарашади. Биз бошқалардекмиз! Биз футболни севамиз».
Отабек Йўлдошев
Жанубий Корея, Сеул
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
