|
ЖАВОБ: Унақа деб ўйламайман. Шунчаки, мавсум бошида “Барселона” жисмоний тарафдан ҳам, руҳий тарафдан ҳам яхшироқ тайёргарликка эга эканлиги кўриниб турибди. (масалан, ўтган йилги суперкубок баҳсларида “Реал” кучлироқ кўринганди) Бунга бир неча сабаблар бўлиши мумкин.
Биринчидан, “Барселона”да тренер алмашди, демак иштиёқ кўпроқ бўлади. Иккинчидан, ўтган йил кўпроқ “Реал”ники бўлди, каталонияликларда тажовуз ва қасд олиш туйғуси юқорироқ, мадридликлар бироз хотиржамроқ кўринмоқдалар. Учинчидан, “Барселона” ўтган йилги мавсумда жуда кўп ротацияларни амалга оширди, Инъеста, Фабрегас, Педро, Хави, умуман Мессидан ташқари ҳамма футболчилар алмашиб алмашиб ўйнашди. “Реал”кўпроқ бир таркиб билан ўйнади ва бунга Европа чемпионатини ҳам қўшинг. Яъни “Реал” хорғинроқ эканига асослар етарли. Тўртинчидан, Криштиану Роналду ҳозир оптимал спорт формасида эмас, буни фтуболчининг ўзи ҳам тан олди. Бешинчидан ва энг асосийси, “Барселона” барибир кучлироқ жамоа, “Реал” бу жамоани ютиш учун ўзининг энг юқори даражасида тўп сура олиши керак, албатта, бунақа ўйинлар ҳар доим ҳам бўла олмайди. Моуриньонинг “Реал”и икки маротаба ютди, ўша ўйинларда жамоа ўзининг энг юксак ўйинини кўрсата олганини биламиз.
Лекин барибир бизни Мадридда ҳам қизиқарли ўйин кутиб турибди.
Жавоб берилган сана: 25.08.2012 08:48
|