ОФКнинг 2015 йил якунларига бағишлаб, Хиндистоннинг Деҳли шаҳрида ўтказилган маросимида йилнинг энг яхши ёш футболчиси, деб “Бунёдкор” вакили Достонбек Ҳамдамов топилди.
Ҳамдамовнинг ҳаётидаги унутилмас лаҳзаларидан бири бўлган 29 ноябрь оқшомида унинг хурсандчиликларига шерик бўлиб, ҳиссаётларини билишга ҳаракат қилдик.
- Табрик учун миннатдорчилик билдираман. Кайфиятим аъло, ҳозирги пайтда бошимдан ўтказаётган лаҳзаларни сўз билан ифодалаб беролмайман. Ўйлашимча, ҳар бир ёш футболчи мана шундай совринларни ютишни орзу қилади. Футболчиликдаги орзуларимдан бирига етишдим, деб ўйлайман. Осиёнинг 2015 йилдаги энг яхши ёш футболчиси соврини нафақат меники, балки жамоадош дўстларим, мураббийларим, мураббийларим ва оила аъзоларимга ҳам тегишлидир. Энг яхши бўлиш учун якуний рўйхатда бўлган дўстларим Элдор Шомуродов ва Забиҳилло Ўринбоевга алоҳида миннатдорчилик билдираман. Бундай ажойиб футболчилар билан бир жамоада ўйнаётганимдан фаҳрланаман. Уларсиз мен ҳеч нимага эриша олмаган бўлардим. Ушбу соврин “Бунёдкор” ФКда ёшлар билан ишлаш жуда тўғри йўлга қўйилганлигидан далолат бериб турибди. Шунингдек, муваффақият замирида юртимизда футболга берилаётган эътибор самараси ҳам борлигини алоҳида таъкидламоқчиман. Ишончни оқлаш учун бор кучимни ишга солишда ва юртимиз футболи ривожига ўз ҳиссамни қўшишда давом этаман, - дейди Осиёнинг 2015 йилдаги энг яхши ёш футболчиси Достонбек Ҳамдамов.
Матнда хатолик топсангиз, ўша хатони белгилаб, бизга жўнатинг (Ctrl + Enter).