Болгариялик машҳур футболчи Христо Стоичковнинг агенти Мирчо Димитров ўз мижозининг Йохан Круифф қўл остида ўйнаган вақтида ўрганган сирлари ҳақида гапирди.
Эслатиб ўтамиз, аввалроқ ОАВ да Стоичковни Қозоғистон терма жамоасини бошқариши мумкинлиги ҳақида хабарлар тарқалган эди.
"Барселона" сирлари? Бу ҳақда тўхтовсиз гапириш мумкин. Мен қисқа гапираман: Круифф "Барса"да ишлаган вақтида футбол мактабидан бошлаб асосий таркибгача ўз услубини жорий қилган эди. Бу вақтда Христо Стоичков жамоанинг нг яхши ўйинчиси бўлган. Охирги 20 йилда футболда Круиффнинг услуби етакчи бўлгани ҳаммага маълум. "Барселона" эса, Испания термаси ютуқларининг асоси бўлди. Круиффнинг иш услуби "махфий" бўлиб, мураббийлик фаолиятидан сўнг бу сирларни Гвардиола ва Христо Стоичковга улашган.
Христо Стоичков "Барселона"нинг бу иш услубини клуб мураббийлари билан биргаликда Қозоғистон ҳудудида қўллашга ва бирнеча футбол мактаблари очишга тайёр. Агар Қозоғистон ФФ Стоичковни мамлакат терма жамоаси бош мураббийи вазифасига таклиф қилса бу мактаблар Қозоғистон клублари ва термаси учун сифатли футболчилар тайёрлаши мумкин. Шунингдек, у қозоқ мураббийларини бу услубда ишлашга ўргатишга тайёр", - дейди агент.
Матнда хатолик топсангиз, ўша хатони белгилаб, бизга жўнатинг (Ctrl + Enter).