ОФК ЖЧ-2018 ва Осиё кубоги-2019 қўшма саралашининг 3-босқичига қуръа ташлаш маросими 12 апрель куни ўтказилишини эълон қилди. Унда 12та терма жамоа олтитадан 2та гуруҳга ажратилади. Қуръа жараёнида эса жамоалар 6та саватчага ажратилишади. Саватчага ажратишда ФИФАнинг 7 апрель куни эълон қилинадиган рейтинг жадвали асос қилиб олинади. Агар март ойи рейтинг жадвали бўйича термаларни саватчаларга ажратилса, бизда тахминан қуйидагича ҳолат юзага келади.
1-саватча: Эрон, Япония
2-саватча: Ж.Корея, С.Арабистони
3-саватча: БАА, Австралия
4-саватча: Ўзбекистон, Қатар
5-саватча: Иордания, Ироқ
6-саватча: КХДР, Таиланд, Сурия, Уммон... (қайси жамоалар кейинги босқичга чиқишига қараб)
Кўриб тургагингиздек, вазият ўзгармаса, Ўзбекистон терма жамоаси қуръа жараёнида 4-саватчада бўлади. Бу эса бироз ноқулай. Боиси, жамоамизга гуруҳда Осиёнинг энг кучли 3та жамоаси аниқ тушади. Агар юқорироқ саватчалардан ўрин эгаллайдиган бўлсак, биз билан бир саватдан ўрин олган кучли жамоа билан бир гуруҳга тушмаслигимиз аниқ бўлади.
Лекин олдинда иккита ўйин бор ва бу ўйинлар натижаси ФИФА рейтингига таъсир кўрсатиши мумкин. Буни ҳам кўриб чиқамиз. Аввало Ўзбекистон терма жамоаси Филиппин ва Баҳрайнни мағлуб этиши шарт ва шунда ФИФА рейтингида ўз очколарини 549тага етказади. Март ойи рейтингида 484 очкога эга бўлиб турганимизни инобатга олсак, очколаримиз сонини бирданига 65 баллга ошириб олиш имкониятига эгамиз.
ФИФА расмий сайтида (FIFA.com) махсус бўлим яратилган бўлиб, унда терма жамоаларнинг навбатдаги ўйинлар натижаларини киритиш орқали, жамоанинг кейинги жадвалда қанча очко тўплаши мумкинлигини билиш мумкин. Қуръада биринчи саватча бўлиши кутилаётган Эрон терма жамоаси апрель ойидаги рейтингда ҳам Осиёнинг энг яхши жамоаларидан бири бўлади. Япония эса ўз майдонида Сурияга ютқазиб қўймаса, терма жамоамиздан пастга тушиб кетмайди. Ж.Корея Таиланд билан ўртоқлик ва Ливанга қарши саралаш ўйинида 1 очкодан кўп очко жамғара олмасагина, ФИФА жадвалида Ўзбекистондан пастга тушиб кетиши мумкин экан. Аммо тан олиш керак, бунинг эҳтимоли жуда паст.
— Саудия Арабистони терма жамоаси гуруҳ босқичида БААга ютқазиб қўйса, навбатдаги ФИФА рейтингида терма жамоамиздан пастда бўлади. Саудияликлар бу ўйинда дуранг ўйнасалар ҳам, биздан юқорида бўладилар.
— БАА аввало гуруҳдан чиқиш масаласини ҳал қилиб олиши керак. Жамоа Саудия Арабистонига ютқазиб қўйса, гуруҳдан чиқа олмайди. Дуранг натижа эса Амирлик термасининг тақдирини сўроқ остида қолдиради. Жамоа дуранг орқали 3-бос-қичга чиққан тақдирда ҳам ФИФА рейтингида Ўзбекистондан пастда бўлади. Демак, кейинги рейтингда Ўзбекистон ё Саудия Арабистонидан, ёки БААдан аниқ юқорида бўлади.
— Австралия ўз майдонида бўлиб ўтадиган Тожикистон ва Иорданияга қарши ўйинларнинг бирортасида очко йўқотса, рейтингда терма жамоамиздан пастга тушиб кетади.
ХУЛОСА
Ўзбекистон терма жамоаси Филиппин ва Баҳрайн терма жамоаларини мағлуб этса, ФИФА томонидан 7 апрель куни эълон қилинадиган рейтингда Осиёнинг 5 ёки 6-жамоасига айланади. Бу эса термамизнинг 3-босқичга қуръа ташлаш жараёнида 3-саватчада бўлишини англатади. Бу саватчада биз билан бирга қайси жамоа бўлишини ҳозирдан тахмин қилиш қийин. Боиси, вариантлар кўп. Бу ҳақда эса газетамизнинг кейинги сонида аниқ маълумот бериб ўтамиз.
Гуруҳларда 2-ўринни эгаллаб турган
терма жамоалар рейтинги:
Т|р. Гуруҳ Жамоа Ў Ю Д М Т-Н О
1. «E» Сурия 5 4 0 1 14-6 12
2. «B» Иордания 5 3 1 1 8-2 10
3. «H» Ўзбекистон 4 3 0 1 14-6 9
4. «F» Ироқ 4 2 2 0 10-4 8
5. «C» Гонконг 5 2 2 1 5-3 8
6. «A» БАА 4 2 1 1 13-3 7
7. «G» Қувайт 5 2 1 2 10-4 7
8. «D» Уммон 4 1 2 1 5-4 5
Матнда хатолик топсангиз, ўша хатони белгилаб, бизга жўнатинг (Ctrl + Enter).
Динамо
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
