«ПСЖ» Унай Эмерини расман янги бош мураббий этиб тайинлади
«ПСЖ» жамоаси «Севилья» бош мураббийи билан 2 йиллик шартнома тузди. У 2018 йилнинг июнигача жамоани бошқаради. Бу ҳақда жамоа расмий сайтида маълум қилинди.
Парижликлар мураббий учун андалусияликларга товон пули сифатида 1,5 миллион евро тўлаган. Эмерининг испанлар жамоаси билан шартномаси 2017 йилнинг ёзига қадар тузилганди.
Ушбу 44 ёшли мутахассис шу вақтгача «Альмерия», «Валенсия», «Спартак» жамоаларида ҳам ишлаган, «Севилья» билан 2013 йилдан буён қаторасига 3 марта Европа Лигасида ғолиб бўлди.
26 июнь куни «ПСЖ» Лоран Бланни бош мураббийликдан истеъфога чиқарди. Ўзаро шартноманинг бир томонлама бузилиши эвазига мураббийга 22 миллион евро товон пули берилади.
Манба: tribuna.uz
Киритилди: 20:36, 28.06.2016. Ўқилди: 5190 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар