Тер Штеген Ла лиганинг 2-турида 185 футболчига нисбатан кўпроқ узатма берган
«Барселона» дарвозабони Марк-Андре тер Штеген нафақат дарвозадаги ҳаракатлари билан, балки оёқ билан яхши ўйнай олиши билан ҳам ном қозонган.
Испания чемпионатининг 2-тури доирасида "Атлетик"га қарши ўйинда германиялик посбон ўзига хос натижа қайд этди. У ўйин давомида жамоадошларига 62 марта узатма берди ва улардан 51таси аниқ бўлди.
Узатмалар сони бўйича тер Штеген Ла лиганинг 2-турида майдонга тушган 185 нафар (90%дан кўпроқ) ўйинчидан кўра яхшироқ натижа қайд этган. Боз устига, гап майдонда 90 дақиқа ҳаракат қилган футболчилар ҳақида гап кетмоқда. Атиги 11 нафар футболчи каталонияликлар дарвозабонига нисбатан кўпроқ узатма берган.
"Барселона" футболчилари тўпни Марк-Андре тер Штегенга кўпроқ узатиш орқали "Атлетик"нинг юқори прессингидан чиқиб кетиш ва рақиб футболчиларини чарчатишга ҳаракат қилишди. Натижада 1:0 ҳисобида ғалаба қозонишди.
Манба: championat.com
Киритилди: 10:22, 30.08.2016. Ўқилди: 7324 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар