Франция 1 Лигасининг 20-турида “Ренн” майдонига сафар қилган парижликлар қийин кечган баҳсда Юлиан Дракслернинг ажойиб голи эвазига муҳим уч очкони қўлга киритди. Бир ўйин кўп ўтказган «ПСЖ» ҳозирча турнир пешқадами «Ницца»дан икки очкога ортда қолмоқда. Ушбу баҳснинг қаҳрамонларидан бири сўзсиз Юлиан Дракслер бўлди.
Дракслер: техника, тезлик, самарадорлик
“ПСЖ” либосида эндигина икки марта майдонга тушганига қарамай, Дракслер жамоа учун муҳим ўйинчи бўла олишини кўрсатмоқда. Парижликлар ҳужумининг чап қанотида ҳаракат қилган Дракслер майдонда 73 дақиқа ҳаракат қилди. Германиялик футболчи ўйинга ташналигини намоён этмоқда. Бутун ўйин мобайнида “Ренн” дарвозабони Костилни синовдан ўтказиб турди. 1-бўлим якунланишига беш дақиқа қолганида, Вератти жарима майдончаси яқинида очиқ вазиятда бўлган Дракслерга тўпни еткзиб берди. “Шалке 04”нинг собиқ аъзоси эса ўйлаб ўтирмасдан тўпни бир зарба билан дарвозанинг узоқ пастки бурчагига жойлаб қўйди. Францийа Кубоги доирасида “Бастия”га қарши илк голини урган Дракслер Францийа 1-Лигасидаги дебют голини шу тариқа бошлаб олди. Статистик кўрсаткичларини яхшилашни бошлаб юборган Дракслер Унай Эмери ундан нима талаб қилаётганини тушуниб етгандек. Лукас Моура ва Анхел ди Мария эса асосий таркибга кириш учун қаттиқ меҳнат қилишлари талаб этилади. Зеро, уларга қарши жиддий рақобатчи пайдо бўлди.
“Ренн”нинг кучсиз ўйини
Бутун баҳс давомида “ПСЖ” рақибидан бир бош устун эканлигини кўрсатди. Агарда, ўйин бошида Эдинсон Кавани ажойиб вазиятни голга айлантирганида, ҳакам 28-дақиқада Вараттига қарши ишлатилган қўполлик учун пеналти берганида ҳисоб янада йирик кўринишга келган бўларди. 1-Лигадаги сўнгги ўйинларда “Ренн” жамоаси мағлубиятлардан боши чиқмай қолди. Сўнгги тўрт ўйиндаги учинчи мағлубиятни “ПСЖ”дан қабул қилиб олди. Ўйин давомида эса асосан ҳимоявий тактикани қўлладилар. Жамоасининг ҳужумларини бошлаб бериш Гуркюфф ва Калулунинг зиммасида эди. Улар ҳам кучли рақиб қаршисида ожиз қолдилар. Қишки трансфер пайтида “Волфсбург”га йўл олган Нтепнинг ўрни жамоа ҳужум чизиғида етишмаётгандек.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
