Эрон ва ФИФА миллий терма жамоанинг ЖЧ-2026 даги иштирокини муҳокама қилди.
Эрон жамоаси гуруҳ босқичидаги барча учта ўйинни АҚШда ўтказиши керак, бироқ жорий йилнинг 11 июнидан 19 июлигача бўлиб ўтадиган турнирда эронликларнинг қатнашиши февраль ойи охирида АҚШ ва Исроилнинг Эронга қилган ҳужумидан бери сўроқ остида қолаётган эди. Эрон ўйинларни Мексикага кўчиришни сўради, аммо ФИФА президенти Жанни Инфантино барча учрашувлар дастлаб режалаштирилган стадионларда ўтказилиши шартлигини таъкидламоқда.
Шу ой бошида Ванкуверда бўлиб ўтган ФИФА Конгрессига Эрон футбол ассоциацияси (FFIRI) президенти Меҳди Тожнинг Ислом инқилоби муҳофизлари корпуси (ИИМК) билан алоқалари борлиги сабабли Канадага кириши рад этилганидан кейин қўшимча муаммолар юзага келди.
ФИФА бош котиби Маттиас Графстрём шанба куни FFIRI президенти Тож билан учрашув ўтказди.
«Биз Эрон футбол ассоциацияси билан ажойиб ва конструктив учрашув ўтказдик. Биз яқиндан ҳамкорлик қилмоқдамиз ва уларни футбол бўйича жаҳон чемпионатида кутиб қоламиз», — деди Графстрём.
ФИФА Эронлик футболчиларнинг мамлакатга кириши ва виза шартлари бўйича кафолатлар олдими ёки йўқми деган саволга Графстрём батафсил тўхталиб ўтишни истамади.
«Биз барча тегишли масалаларни муҳокама қилдик, аммо ҳозир тафсилотларни гапирадиган вақт эмас деб ўйлайман. Умуман олганда, учрашув жуда ижобий ўтди ва биз мулоқотни давом эттиришни интиқлик билан кутамиз», — дея таъкидлади функционер.
Ўз навбатида Тож шундай деди: «Улар Эроннинг далилларини, биз кўтарган барча 10 та бандни тинглаганларидан ва уларнинг ҳар бири бўйича ечимлар таклиф қилишганидан хурсандман. Худо хоҳласа, миллий терма жамоамиз жаҳон чемпионатига ҳеч қандай муаммосиз бориб, у ерда жуда яхши натижаларга эриша олади деб умид қиламан».
Душанба куни Эрон терма жамоаси Теҳрондан Туркиядаги ўқув-машғулот йиғинига жўнаб кетади, июн бошида эса АҚШнинг Аризона штати, Тусон шаҳридаги базасига кўчиб ўтади.
Эрон жамоаси жаҳон чемпионатидаги иштирокини 15 июнь куни Лос-Анжелесда Янги Зеландияга қарши ўйин билан бошлайди. Шунингдек, улар «G» гуруҳида Бельгия ва Миср терма жамоаларига қарши майдонга тушишади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
