2 феврал куни Фрэнк Лэмпард (38 ёш) 21 йиллик профессионал фуболчилик фаолиятига якунлаганини маълум қилди. France Football нашри англиялик футболчининг фаолиятидаги муҳим саналарни эслаб ўтди.
31/01/1996: “Вест Ҳэм Юнайтед” таркибида илк дебют
Ҳали 18 ёшга ҳам тўлмаган Фрэнк Лэмпард “Ковентри Сити”га қарши баҳсда дебютини нишонлади. Дебютини чакки ўтказмаган ёш Фрэнк Лэмпард кейинги учрашувини то 5-майгача кутди. Бу сафар «Шеффилд»га қарши баҳсда майдонда ҳаракат қилди.
19/11/1997: илк ҳет-трик
Секин-секин ёш футболчи «Вест Ҳэм Юнайтед»нинг асосий таркиб ўйинчисига айланиб борди. Илк ҳет-тригини Фрэнк Лэмпард Англия Лигаси кубогида «Уолсолл»га қарши баҳсда киритди. Ўша мавсумда, Лэмпард барча учрашувларни ҳисобга олганда 42 ўйин ўтказди ва ўз ҳисобига 9 гол ёздириб қўйди.
10/10/1999 : Англия терма жамоасидаги дебюти
Лэмпард терма жамоа либосини 21 ёшида кийишга муваффақ бўлди. Кевин Киган мураббийлиги остида Бельгияга қарши ўртоқлик баҳсида Лэмпард дебютини ўтказди. Учрашув 2-1 ҳисобида англияликлар фойдасига ҳал бўлди. Терма жамоа сафида илк голини эса 2003 йилда Хорватияга қарши баҳсда киритди.
01/07/2001 : “Челси”га трансфер
“Вест Ҳэм”нинг етакчиларидан бирига айланган Лэмпард гранд жамоаларнинг диққатини қарата бошлади. Якунда футболчи 16 миллион евро эвазига “Челси” сафига келиб қўшилди.
30/04/2005: илк чемпионлик соврини
Жозе Моуриньо «Челси»сининг бир бўлагига айланган Лэмпард, “Болтон”га қарши кечган баҳсда гол киритиб фаолиятидаги илк муҳим совринни қўлга киритди. Ўша мавсумни ажойиб ўтказган “Челси” якунда Англия Лигаси кубогини ҳам ўзиники қилиб олди. Ўз ўйинини кучайтирган Лэмпард дунёнинг энг яхши ярим ҳимоячиларидан бирига айланди.
19/05/2012: Чемпионлар Лигаси соҳиби
Роберто ди Маттео томонидан Чемпионлар Лигаси финалига қадар етиб келган “Челси”ни ҳеч ким яққол фаворит сифатида кўрмаётганди. “Аристократлар” финалда, “Бавария”га қарши баҳс олиб борди. “Алянс Арена”да бўлиб ўтган Чемпионлар Лигаси финалида мюнхенликларни пенальтилар сериясига кўра мағлуб этди. Жамоасини сардорлик боғичида майдонга олиб тушган Фрэнк Лэмпард пенальтилар серийяида жамоасининг учинчи зарбасини йўллаганди.
03/08/2014: «Манчестер Сити»га ижара
“Стэмфорд Бриж”да 13 йил ўтказган Лэмпард Премьер Лиганинг бошқа бирор жамоасида ўйнамаслигини тасдиқлаганди. Бироқ, МЛС да «Нью Йорк Сити» жамоаси билан шартнома имзолаган футболчи океанортида мавсум бошланишига қадар «Манчестер Сити»га ижарага берилди.
26/08/2014: терма жамоадаги фаолиятини якунлади
2014 йилги Мундиалдан кейин 36 ёшли Лэмпард терма жамоадаги фаолиятини якунлади. Терма жамоа таркибида 106 учрашув ўтказган Лэмпард, сўнгги учрашувини Коста-Рика термасига қарши ўтказди.
21/09/2014 : “Челси”га … гол урди
“Манчестер Сити”га ижара асосида келиб қўшилган Лэмпард Премьер Лига доирасида собиқ жамоасига гол урди. Ўйин тугашига 10 дақиқа қолганида Мануэл Пеллегрини уни майдонга туширишга қарор қилди. Икки жамоа мухлислари томонидан олқишланган футболчи собиқ жамоасига қарши гол урди ва голини нишонламади. Учрашувдан кейин берган интервьюсида эса бу вазият фаолиятидаги энг тўлқинлантирувчи бўлганлигини эътироф этди.
30/06/2015: МЛСга қўшилди
“Манчестер Сити”да ижара асосида мавсумни якунлаб ниҳоят океанорти жамоасига келиб қўшилди. «Нью Йорк Сити»да у дунё футболининг юлдузлари Андреа Пирло ва Давид Вилья билан бир сафда ўйнади. Жамоада бир ярим йил ўтказган футболчи бу давр мобайнида 15 голни ўз ҳисобига ёзиб қўйди. АҚШда футболнинг оммалашишига ўзининг муносиб ҳиссасини қўша олди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
