Ёшлар лигаси 12-турида «Навбаҳор» «Бунёдкор» билан куч синашди.
Учрашувнинг биринчи бўлими тенг курашлар остида ўтди. Шунга қарамай меҳмон жамоа футболчилари мезбонларга қараганда яхшироқ тайёргарликка эга эканликларини намойиш этишди.
Бу жиҳат эса “қалдирғочлар”га танаффусга 1:0 ҳисобидаги устунлик билан чиқиб кетиш учун замин яратди. Иккинчи бўлимда ҳам “Бунёдкор” икки бор муваффақият қозониб, ғалабани мустаҳкамлади. Мезбонлар эса рақибнинг учта голига бир бор жавоб қайтариш билан чекланишди.
Ҳисоб 26-дақиқада очилди. Бурчакдан оширилган тўпдан сўнг Жавоҳир Эсонқулов боши билан дарвозани нишонга олди. Танаффусга қадар мезбонлар вазиятни ўнглашга интилишган бўлсада, амалга оширилган ҳужумлардан самара чиқара олишмади.
Иккинчи бўлимни яхши бошлаган мезбонлар тез орада ҳисобни тенглаштиришлари мумкин эди. 51-дақиқада Мамадалиев-Холдоров комбинациясидан кейин Холдоровда яхши вазиятга чиқиб бориш учун имконият бўлганди. Аммо, Акбарали тўпни ўзида кўпроқ сақлаб турганлиги боис вазият бой берилди. Кейинги ҳужумда Ҳамидов жарима майдончасига ёриб кириб зарба берганди. “Қалдирғочлар” посбони маҳоратини намойиш этиб тўпни қайтаришга эришди.
64-дақиқага келиб, меҳмонларнинг чап қанотдан ташкил этган ҳужумлари гол билан якунланди. Ҳимоячиларимиз назаридан четда қолган Нодир Мавлонов 19 метрлардан аниқ зарба йўллади – 0:2.
70-дақиқада эса дарвозабон ва ҳимоячиларнинг хатосидан кейин Жаҳонгир Абдусаломов яқин масофадан дарвозани аниқ нишонга олиб, натижани йирик кўринишга келтириб қўйди. Голлар оралиғида Олимжоновнинг тепган тўпини ҳам Адҳамов қайтаришга эришганлигини қўшимча қилиш мумкин.
Учрашувнинг якуний қисмида мезбонлардагол уриш учун бир қатор имкониятлар бўлди. Лекин, учта вазиятда “Бунёдкор” жамоасини голлардан сақлаб қолди. Аввалига Адҳамов Холдоровнинг боши билан йўллаган зарбасидан кейин тўпни қайтаришга эришди. Билол Тошмирзаев ва Муҳаммадсодиқ Маматхоновларнинг олис масофалардан йўллаган кучли зарбалари йўлига ҳам Элдор қалқон бўла олди. Вазиятлар оралиғида эса мезбонлар ҳисобдаги фарқни қисқартиришга эришишди. Нодир Камолов ўз жарима майдончаси ичида Билол Тошмирзаевни қоидага хилоф тарзда тўхтатиб қолганлиги учун белгиланган пенальтини жабрланувчининг ўзи аниқ амалга оширди.
Ёшлар лигаси, 12-тур
26 май. Наманган. “Марказий” ўйингоҳ.
“Навбаҳор” – “Бунёдкор” – 1:3 (0:1).
Голлар: Б.Тошмирзаев (84-пен.) - Ж.Эсонқулов (26), Н.Мавлонов (64), Ж.Абдусаломов (70).
Ҳакамлар: О.Тўйчибоев, И.Носиров, А.Жабборов, Э.Турсунов.
Назоратчи – Б.Тоғаев.
“Навбаҳор”: 12. Нодир Ашурматов, 10. Илҳом Алибоев (99. Омонуллохон Мирзаев, 66), 14. Ҳожиакбар Юнусов (С), 16. Ғолиббек Каримов, 21. Билолхон Тошмирзаев, 26. Жавоҳир Олимжонов (44. Юнусбек Абдувоҳидов, 83), 27. Шаҳзодбек Ҳамидов (33. Абдулқодир Собиров, 89), 35. Музаффар Абдуллаев (9. Муҳаммадсодиқ Маматханов, 67), 48. Аҳмаджон Мамадалиев (28. Абдувоҳид Шарипов, 78), 51. Акбарали Холдоров, 88. Абдулазиз Нишонбоев (63. Искандар Сиддиқжанов, 52).
“Бунёдкор”: 1. Элдор Адҳамов (45. Акром Ходжаев, 90), 4. Суҳроб Иззатов, 6. Сардор Мадраҳимов (14. Отабек Бекбоев, 83), 7. Нодирбек Мавлонов (21 Зиёвуддин Аҳадов, 80), 8. Азамат Розиқов (17. Дониёр Турсунов, 80), 11. Нодирхон Камолов, 22. Жавоҳир Эсонқулов (9. Расул Юлдашев, 59), 26. Абубакр Мўйдинов, 29. Бурхон Усмонов (10. Хабибхон Каримов, 76), 33. Иброҳим Ғофуров, 71. Миржаҳон Мираҳмадов (19. Жаҳонгир Абдусаломов, 59).
Огоҳлантиришлар: А.Мамадалиев (25), И.Сиддиқжанов (65), А.Холдоров (79) – Б.Усмонов (24).
Четлатиш: И.Сиддиқжанов (89, 2-огоҳлантириш).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
