Карло Анчелотти Европанинг 4 та кучли чемпионатида ғалаба қозонган биринчи мураббийга айланди. Германияда “Бавария”, Италияда “Милан”, Англияда “Челси” ва Францияда “ПСЖ” билан чемпионлик нашидасини сурган. Бундан ташқари, Анчелотти Чемпионлар лигасида уч маротаба ғалаба қозонган ягона мураббийдир (“Милан” билан икки маротаба ва бир маротаба “Реал” билан). Ўзининг яқиндагина чиққан китобида Карло қай тарзда бу даражага етганлигини айтиб ўтган.
Венгернинг “Арсенали” ҳақида
— Агар сиз тўпни назорат қилишни яхши кўрадиган “Арсенал”дек жамоага қарши ўйнасангиз, улар билан сал қўполроқ ҳаракат қилишингиз керак. Юқори прессинг ва ўз имкониятини сабр билан кутиб ҳаракат қилиш лозим. Тўп уларда эканлигидан хавотирда бўлиш керак эмас, чунки бу сизга қарши ҳужум учун ажойиб имкон туғдиради.
Моуриньонинг ўйин услуби
— У тўп ўтказиб юборишни ёмон кўради, Моуриньони узоқ вақт таблода 0:0 эканлиги хавотирга солмайди. Ҳисоб очилмаслиги унга ҳеч қандай босим ўтказмайди. Унинг жамоаси худди боксчилар цингари ҳаракат қилишади. 11 раундда чидаб келиб, 12 раундда рақибни нокаутга солиб қўяди. Ўйин давомида рақибни чарчатиб, охирида уларни янчишади.
Гвардиоланинг омад калити ҳақида
— Тўпни назорат қилиш унинг омад калити ҳисобланади. Тўп унинг жамоасида бўлади, буни тушуниш ва бунга кўникиш керак. Гвардиола жамоаси билан тўп борасида баҳслашиш жуда қийин, бироқ бу унчалик ҳам ёмон эмас. Агар сизда тўп бўлмаса, кўп муаммолар четда қолиб кетади. Ўйинни бузиш, жамоа ҳужумини бузиш ва тўхтатиш, ҳимояда бир маромда ҳаракат қилишни хоҳлаган жамоа ўйинчиларига ўргатиш мумкин. Яратувчанлик ва ижодийликка ўргатиш жуда ҳам қийин. Бу ўйинчининг ўзида бўлиши керак. Жамоада эса 11 нафар яратувчанлик қобилиятига эга ўйинчини сотиб олиш имкони йўқ.
Идеал ўйин схемаси ҳақида
— Мен қайси жамоани бошқармай, аввал жамоа ўйинчиларининг имкониятларига қарайман. Асосийси ўйин схемаси эмас, асосий нарса футболчилар қайси ўйин схемаси асосида ва қайси позицияда яхши ҳаракат қилишларида. Шундан келиб чиққан ҳолда схема тузиш осонроқ. Бироқ, мен ўйлайманки, энг оптимал вариант бу 4+4+2 схемаси. Бу схема, энг аввало, ҳимояда яхши ҳаракат қилишни таъминлайди. Жамоа тўртбурчак шаклида ҳаракат қилади. Бунда эса ҳимоядан ҳужумга ва аксинча ҳужумдан ҳимояга қайтиш жуда ҳам осондир.
Жаҳл
— Мен футбочиларнинг хатосига жаҳл қилмайдиган одамман. Улар пеналтини аниқ амалга оширолмасликлари ёки бўш дарвозага гол уролмасликлари мумкин. Бу ҳаммада ҳам бўлиб туради. Бунинг учун мен шогирдларимдан хафа бўлмайман. Ўз иши учун жон куйдирмайдиган ва ўз жамоадошларини ҳурмат қилмайдиганлар менинг жаҳлимни чиқаришади.
Пул
— Одамлар мендан кўпинча “Нима учун сиздан кўра футболчиларга кўпроқ маош тўлашади?” деб сўрашади. Мен учун пул биринчи ўринда турмайди, мен ҳамиша ғалаба учун ҳаракат қиламан. Бу мени руҳлантиради.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
