Karlo Anchelotti Yevropaning 4 ta kuchli chempionatida g‘alaba qozongan birinchi murabbiyga aylandi. Germaniyada “Bavariya”, Italiyada “Milan”, Angliyada “Chelsi” va Fransiyada “PSJ” bilan chempionlik nashidasini surgan. Bundan tashqari, Anchelotti Chempionlar ligasida uch marotaba g‘alaba qozongan yagona murabbiydir (“Milan” bilan ikki marotaba va bir marotaba “Real” bilan). O‘zining yaqindagina chiqqan kitobida Karlo qay tarzda bu darajaga yetganligini aytib o‘tgan.
Vengerning “Arsenali” haqida
— Agar siz to‘pni nazorat qilishni yaxshi ko‘radigan “Arsenal”dek jamoaga qarshi o‘ynasangiz, ular bilan sal qo‘polroq harakat qilishingiz kerak. Yuqori pressing va o‘z imkoniyatini sabr bilan kutib harakat qilish lozim. To‘p ularda ekanligidan xavotirda bo‘lish kerak emas, chunki bu sizga qarshi hujum uchun ajoyib imkon tug‘diradi.
Mourinyoning o‘yin uslubi
— U to‘p o‘tkazib yuborishni yomon ko‘radi, Mourinyoni uzoq vaqt tabloda 0:0 ekanligi xavotirga solmaydi. Hisob ochilmasligi unga hech qanday bosim o‘tkazmaydi. Uning jamoasi xuddi bokschilar singari harakat qilishadi. 11 raundda chidab kelib, 12 raundda raqibni nokautga solib qo‘yadi. O‘yin davomida raqibni charchatib, oxirida ularni yanchishadi.
Gvardiolaning omad kaliti haqida
— To‘pni nazorat qilish uning omad kaliti hisoblanadi. To‘p uning jamoasida bo‘ladi, buni tushunish va bunga ko‘nikish kerak. Gvardiola jamoasi bilan to‘p borasida bahslashish juda qiyin, biroq bu unchalik ham yomon emas. Agar sizda to‘p bo‘lmasa, ko‘p muammolar chetda qolib ketadi. O‘yinni buzish, jamoa hujumini buzish va to‘xtatish, himoyada bir maromda harakat qilishni xohlagan jamoa o‘yinchilariga o‘rgatish mumkin. Yaratuvchanlik va ijodiylikka o‘rgatish juda ham qiyin. Bu o‘yinchining o‘zida bo‘lishi kerak. Jamoada esa 11 nafar yaratuvchanlik qobiliyatiga ega o‘yinchini sotib olish imkoni yo‘q.
Ideal o‘yin sxemasi haqida
— Men qaysi jamoani boshqarmay, avval jamoa o‘yinchilarining imkoniyatlariga qarayman. Asosiysi o‘yin sxemasi emas, asosiy narsa futbolchilar qaysi o‘yin sxemasi asosida va qaysi pozisiyada yaxshi harakat qilishlarida. Shundan kelib chiqqan holda sxema tuzish osonroq. Biroq, men o‘ylaymanki, eng optimal variant bu 4+4+2 sxemasi. Bu sxema, eng avvalo, himoyada yaxshi harakat qilishni ta’minlaydi. Jamoa to‘rtburchak shaklida harakat qiladi. Bunda esa himoyadan hujumga va aksincha hujumdan himoyaga qaytish juda ham osondir.
Jahl
— Men futbochilarning xatosiga jahl qilmaydigan odamman. Ular penaltini aniq amalga oshirolmasliklari yoki bo‘sh darvozaga gol urolmasliklari mumkin. Bu hammada ham bo‘lib turadi. Buning uchun men shogirdlarimdan xafa bo‘lmayman. O‘z ishi uchun jon kuydirmaydigan va o‘z jamoadoshlarini hurmat qilmaydiganlar mening jahlimni chiqarishadi.
Pul
— Odamlar mendan ko‘pincha “Nima uchun sizdan ko‘ra futbolchilarga ko‘proq maosh to‘lashadi?” deb so‘rashadi. Men uchun pul birinchi o‘rinda turmaydi, men hamisha g‘alaba uchun harakat qilaman. Bu meni ruhlantiradi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
