Қишки Олимпиада ўйинларининг хоккей мусобақаси Россия термасининг ғалабаси билан якунланганлиги россиялик мухлисларга футбол терма жамосидан шундай ғалабаларга умид қилиш имкониятини берди.
Мундиал мезбонларининг бош мураббийи Бразилия ва Франция терма жамоалари билан бўладиган ўртоқлик учрашувларига тайёргарлик хусусидаги суҳбатда айнан шу фикр-мулоҳазани изҳор этди.
- Яқинда россиялик хоккейчилар Пхёнчхандан Олимпиаданинг олтин медаллари билан қайтиб келишди. Хоккейчиларимизнинг Кореядаги ўйинларини кузатиб бордингизми?
- Албатта! Россия-Германия финалини аэропортга кетаётиб, телефон орқали томоша қилдим.
- Ўйинчилар ёки мураббийлар штабида танишларингиз борми?
- Шахсан ҳеч ким билан таниш эмасман. Йўлларимиз жуда кам кесишади. Жамоани матбуот орқали табрикладим.
- Сиз ва Олег Знарокни Германия бирлаштириб туради. Икковингиз - сиз футболда, у эса хоккейда маҳаллий чемпионатда иштирок этгансизлар.
- Эҳтимол, табиатимиз Европада ўйнашга мос тушгандир. Германияда тил ўрганганим ҳозир жуда қўл келмоқда.
- Хоккейчилар муваффақиятидан кейин сиздан ҳам мўъжиза кутишларини ҳис этяпсизми?
- Буни ҳис этганим боис, хоккейчилардан эстафета таёқчасини кутяпман. Футболчиларимиз нималарга қодирликларини ЕЛда намойиш этишмоқда. Улар билан доимий алоқадаман.
Сочида «Спартак» вакиллари билан учрашдим, Нойштедтерни кузатиш учун Истанбулга бордим. Ахборотларни жамлагач, якуний қарорни қабул қиламиз.
- Лекин жамоа Виктор Васин ва Георгий Жикиялардан фойдалана олмайди. Муаммони қандай ҳал қилмоқчисиз?
- Уларнинг асосий вазифалари - тезроқ соғайиш. Кейин майдонда синаб кўрамиз. Қолаверса, тайёргарлик жараёнида ҳар бир футболчини бошқасининг ўрнини тўлдира олишига алоҳида аҳамият берилмоқда.
- Мухлислар Игнашевич ва ака-ука Березуцкийларни қайтаришни илтимос қилишмоқда. Бу борада нима дея оласиз?
- Ҳаммасини вақт кўрсатади. Келинг, бироз шошмайлик.
- Месси ва Роналду билан ёнма-ён қўйилаётган Салоҳни қай тариқа зарарсизлантириш мумкин?
- Рақибни ўрганиш жараёнида барча жиҳатларга эътибор берамиз. Салоҳни Мессига ўхшатган эдингиз. Биз ўша Аргентина билан куч синашдик. Тегишли хулосаларни чиқарамиз. Салоҳнинг ўйинини кузатиш учун Англияга бориб келдим.
Мураббий ва журналистлар кузатуви ўртасидаги фарқни биласизми? Сизлар қоғоз ва номларга қараб хулоса чиқарасизлар, биз эса футболчининг майдонда нима қила олишига қараб.
- Тез орада Бразилия ва Францияга қарши назорат учрашувлари ўтказилади. Терма жамоа олдида қандай вазифалар турибди?
- Мундиал тайёргарлигининг сўнгги босқичига етиб келдик. Биринчи галда Новогорскдаги базамизга йўл олиб, янги муҳитга мослашиш керак.
Бевосита учрашувларга келсак, Испания билан бўлган ўйиндан яхшироқ ўйнашга ҳаракат қиламиз. Муҳими, тараққиёт суръатини янада жадаллаштириш учун «Крестовский» стадионидагига қараганда мазмунлироқ тўп сурмоқчимиз.
InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
