Европа чемпионлар лигасининг чорак финал босқичи доирасида "Барселона" ўз майдонида "Рома"ни қабул қилди. Кутилганидек, "кўк-анорранглилар" ўзларининг фаворит эканини намойиш қилиб, дастлабки ўйинда йирик ҳисобда ғалаба қозонди.
Римликлар тезкор гол уришлари мумкин эди: ўйиннинг 10-дақиқасида Жеко мезбонлар жарима майдончасига кирди ва ортдан келаётган Семедунинг оёғига урилиб йиқилди. Аммо ҳакам пенальти белгилашга жазм этмади.
Каталонияликлар бутун ўйин давомида ташаббусни ўз қўлларида ушлаб туришди ва яратилган вазиятлардан самарали фойдаланишди. Учрашувнинг 18-дақиқасида Ракитич йўллаган зарба устунга тегиб қайтган бўлса, орадан 10 дақиқа ўтиб Суарес берган зарбани Алиссон қайтаришга муваффақ бўлди.
Баҳснинг 38-дақиқасида ҳисоб очилди. Мезбонларнинг кўп сонли қисқа паслар орқали уюштирган комбинациялари самара келтирди. Иньеста жарима майдончасига кириб, Мессига узатма бераётганида де Росси тўпни 15 метрлардан ўз дарвозасига буриб юборди.
"Кўк-анорранглилар"нинг иккинчи голи ҳам автогол эвазига "Рома" дарвозасидан ўрин олди. Бурчак тўпи ўйинга киритилганидан кейин Ракитич ўнг қанотдан узатма берди. Умтитининг зарбасидан кейин тўп устунга тегиб қайтди ва Манолас тегиб чизиқни кесиб ўтди — 2:0. "Барса" кўп ўтмасдан тезкор қарши ҳужум ташкил қилди ва учинчи голни уришга муваффақ бўлди. Суареснинг зарбасини дарвозабон қайтарди, Пике эса бўш қолган дарвозани ишғол қилди.
Учта голдан кейин каталонияликлар бироз хотиржамликка берилди. Римликлар бир нечта ҳужум ташкил қилиб, улардан бирини голга айлантиришди. Пероттининг узатмасини рақиб дарвозаси яқинида қабул қилган Жеко аниқ зарба билан ҳисобдаги фарқни қисқартирди.
Ўйин сўнгида "кўк-анорранглилар" ҳисобни яна йирик кўринишга келтиришди. Денис Суареснинг узатмасини ҳимоячи муваффақиятсиз қайтарди. Луис Суарес эса дарҳол дарвозага тўпни жойлади — 4:1.
Шу тариқа, "Барселона" жавоб баҳси олдидан жиддий устунликка эга бўлди. Жавоб ўйини 10 апрель куни Римда бўлиб ўтади.
Европа чемпионлар лигаси, чорак финал, дастлабки ўйин
"БАРСЕЛОНА" - "РОМА" 4:1 (1:0, 3:1)
Голлар: 1:0 – 38, автогол де Росси, 2:0 – 55, автогол Манолас, 3:0 – 59 Пике, 3:1 – 80 Джеко, 4:1 – 87 Суарес.
Барселона – тер Штеген, Пике, Альба, Нелсон Семеду, Умтити, Серджи Роберто (Андре Гомеш, 83), Бускетс (Паулиньо, 67), Ракитич, Иньеста (Денис Суарес, 85), Месси, Суарес.
Рома – Алиссон, Фасио, Коларов, Бруно Перес, Манолас, Стротман, де Росси (Дефрель, 77), Флоренци (Эль-Шаарави, 72), Пеллегрини (Гоналон, 60), Перотти, Джеко.
Огоҳлантиришлар: Коларов (44), Стротман (86).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ал-Ғарафа
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
