Yevropa chempionlar ligasining chorak final bosqichi doirasida "Barselona" o‘z maydonida "Roma"ni qabul qildi. Kutilganidek, "ko‘k-anorranglilar" o‘zlarining favorit ekanini namoyish qilib, dastlabki o‘yinda yirik hisobda g‘alaba qozondi.
Rimliklar tezkor gol urishlari mumkin edi: o‘yinning 10-daqiqasida Jeko mezbonlar jarima maydonchasiga kirdi va ortdan kelayotgan Semeduning oyog‘iga urilib yiqildi. Ammo hakam penalti belgilashga jazm etmadi.
Kataloniyaliklar butun o‘yin davomida tashabbusni o‘z qo‘llarida ushlab turishdi va yaratilgan vaziyatlardan samarali foydalanishdi. Uchrashuvning 18-daqiqasida Rakitich yo‘llagan zarba ustunga tegib qaytgan bo‘lsa, oradan 10 daqiqa o‘tib Suares bergan zarbani Alisson qaytarishga muvaffaq bo‘ldi.
Bahsning 38-daqiqasida hisob ochildi. Mezbonlarning ko‘p sonli qisqa paslar orqali uyushtirgan kombinasiyalari samara keltirdi. Inyesta jarima maydonchasiga kirib, Messiga uzatma berayotganida de Rossi to‘pni 15 metrlardan o‘z darvozasiga burib yubordi.
"Ko‘k-anorranglilar"ning ikkinchi goli ham avtogol evaziga "Roma" darvozasidan o‘rin oldi. Burchak to‘pi o‘yinga kiritilganidan keyin Rakitich o‘ng qanotdan uzatma berdi. Umtitining zarbasidan keyin to‘p ustunga tegib qaytdi va Manolas tegib chiziqni kesib o‘tdi — 2:0. "Barsa" ko‘p o‘tmasdan tezkor qarshi hujum tashkil qildi va uchinchi golni urishga muvaffaq bo‘ldi. Suaresning zarbasini darvozabon qaytardi, Pike esa bo‘sh qolgan darvozani ishg‘ol qildi.
Uchta goldan keyin kataloniyaliklar biroz xotirjamlikka berildi. Rimliklar bir nechta hujum tashkil qilib, ulardan birini golga aylantirishdi. Perottining uzatmasini raqib darvozasi yaqinida qabul qilgan Jeko aniq zarba bilan hisobdagi farqni qisqartirdi.
O‘yin so‘ngida "ko‘k-anorranglilar" hisobni yana yirik ko‘rinishga keltirishdi. Denis Suaresning uzatmasini himoyachi muvaffaqiyatsiz qaytardi. Luis Suares esa darhol darvozaga to‘pni joyladi — 4:1.
Shu tariqa, "Barselona" javob bahsi oldidan jiddiy ustunlikka ega bo‘ldi. Javob o‘yini 10 aprel kuni Rimda bo‘lib o‘tadi.
Yevropa chempionlar ligasi, chorak final, dastlabki o‘yin
"BARSELONA" - "ROMA" 4:1 (1:0, 3:1)
Gollar: 1:0 – 38, avtogol de Rossi, 2:0 – 55, avtogol Manolas, 3:0 – 59 Pike, 3:1 – 80 Djeko, 4:1 – 87 Suares.
Barselona – ter Shtegen, Pike, Alba, Nelson Semedu, Umtiti, Serdji Roberto (Andre Gomesh, 83), Buskets (Paulinyo, 67), Rakitich, Inyesta (Denis Suares, 85), Messi, Suares.
Roma – Alisson, Fasio, Kolarov, Bruno Peres, Manolas, Strotman, de Rossi (Defrel, 77), Florensi (El-SHaaravi, 72), Pellegrini (Gonalon, 60), Perotti, Djeko.
Ogohlantirishlar: Kolarov (44), Strotman (86).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
