Ўзбекистон чемпионатининг 30-тур баҳслари якунига етди. Ушбу тур натижалари бўйича Суперлигани тарк этган дастлабки жамоанинг номи аниқ бўлди.
Фарғонанинг "Нефтчи" клуби ўз майдонида "Сўғдиёна"ни қабул қилиб, имкониятни бой бериб қўйди. Суперлигада жон сақлаб қолиш учун мазкур ўйиндаги ғалаба фарғоналиклар учун жуда катта аҳамиятга эга эди. Аммо учрашувнинг 89-дақиқасида белгиланган пенальтини Никола Милинкович аниқ амалга оширди ва жиззахликларга муҳим ғалабани тақдим этди.
Натижада "Сўғдиёна" ўз очколарини 23тага етказиб олган бўлса, мавсум тугашига 2 тур қолганида "Нефтчи" 17 очкога эга бўлиб турибди. Бундан ташқари, АГМК ҳисобида ҳам 23 очко мавжуд. Фарғоналиклар назарий жиҳатдан бу жамоаларга етиб олиш имкониятига эга, аммо Ҳайдаров жамоаси рақибларга қарши ўзаро ўйинларда салбий кўрсаткичга эга:
1) "Нефтчи" клуби "Сўғдиёна"га қарши 4та ўйинда 3 марта ютқазиб, битта дуранг ўйнаган.
2) "Нефтчи" АГМК билан 4та ўйинда 1та ғалаба, 2та дуранг ва 1та мағлубият натижа кўрсатган. Тўплар фарқи — 6:5, олмалиқликлар фойдасига.
3) Мабодо, АГМК ва "Сўғдиёна" қолган иккита ўйинда ютқазиб, фарғоналиклар 2та баҳсда ғалаба қозонсаю, 3та жамоанинг очколари тенг бўлиб қолса-чи? У ҳолда ҳам "Нефтчи" учта жамоа орасида энг ёмон натижага эга бўлади:
1. "Сўғдиёна" — 13 очко
2. АГМК — 12 очко
3. "Нефтчи" — 6 очко.
Демак, "Нефтчи" клуби мавсум тугашига 2 тур қолганида Суперлигани тарк этди ва келаси мавсумни Про-лигада бошлайди.
Суперлигада ким жон сақлаб қолади?
Мусобақа регламентига кўра, 10 ва 11-ўринни эгаллаган жамоалар Суперлигада жон сақлаб қолиш учун Про-лига клублари билан ўтиш баҳсида иштирок этишади. Қуйи олтиликда иштирок этаётган "Насаф" ва "Қизилқум" жамоалари қолган жамоаларидан илгарилаб кетишди ва келаси мавсумда Суперлигада қатнашиш масаласини ўзлари учун кафолатлаб бўлишди.
Ўтиш баҳсида иштирок этиш муаммосидан қутулиб қолиш учун "Қўқон-1912", АГМК ва "Сўғдиёна" клублари кураш олиб боришади. Қўқонликлар ҳисобида 24 очко мавжуд бўлиб, уларнинг имкониятлар нисбатан яхшироқ. Айниқса, навбатдаги турда бўладиган "Қўқон-1912" - "Сўғдиёна" баҳси кўп нарсага ойдинлик киритиб беради.
АГМКни эса қолган иккита турда қийин ўйинлар кутиб турибди: жамоа Қаршида "Насаф", Олмалиқда "Қизилқум" билан тўқнаш келади.
АГМКнинг қолган ўйинлари:
25.11.2018. 17:00. "Насаф" - АГМК
29.11.2018. 18:00. АГМК - "Қизилқум"
"Сўғдиёна"нинг қолгани ўйинлари:
24.11.2018. 15:00. "Қўқон-1912" - "Сўғдиёна"
29.11.2018. 18:00. "Сўғдиёна" - "Насаф"
"Қўқон-1912"нинг қолган ўйинлари:
24.11.2018. 15:00. "Қўқон-1912" - "Сўғдиёна"
29.11.2018. 18:00. "Нефтчи" - "Қўқон-1912"
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|
| 1 |
Насаф |
18 |
8 |
6 |
4 |
21-14 |
30 |
| 2 |
Қизилқум |
18 |
9 |
3 |
6 |
25-22 |
30 |
| 3 |
Қўқон-1912 |
18 |
6 |
6 |
6 |
19-14 |
24 |
| 4 |
АГМК |
18 |
6 |
5 |
7 |
20-21 |
23 |
| 5 |
Сўғдиёна |
18 |
6 |
5 |
7 |
18-22 |
23 |
| 6 |
Нефтчи |
18 |
4 |
5 |
9 |
13-23 |
17 |
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
