Хабарингиз бор, бугун Ўзбекистон Миллий олимпия қўмитаси президенти ва Ўзбекистон футбол ассоциациясининг биринчи вице-президенти Умид Аҳмаджонов Япониянинг «Ванфоре Кофу» клуби раҳбари, Япония футбол федерацияси аъзоси Казуюки Умино ва «Япония-Ўзбекистон» спорт ва таълим бўйича ассоциацияси раиси, «Пахтакор» ва «Бухоро» клубининг собиқ футболчиси Наоя Шибамура билан учрашув ўтказди.
Мазкур учрашувдан сўнг Миллий олимпия қўмитаси Матбуот ва Медиа департаменти вакиллари мутахассислар фикри билан қизиқди.
Казуюки Умино: «Ўзбекистон футболи сўнгги йилларда яхшигина кучайишга эришган. 23 ёшгача бўлган терма жамоангиз йил бошида Осиё чемпионлигини қўлга киритди. Мусобақа давомида Япония, Жанубий Корея каби терма жамоалар мағлуб этилди. Бу албатта ўзбек футболи ривожланиб бораётганидан далолат. Шу рухда давом этсангиз, Ўзбекистон Осиёнинг етакчи футбол мамлакатига айланиб олади.
Куни кеча «Бунёдкор» академиясини бориб кўрдик. У ерда яратилган шароитлар жуда ажойиб. Мана шундай масканда кучли футболчилар етишиб чиқишига аминман.
Ўзбекистон Миллий олимпия қўмитаси президенти ва Ўзбекистон футбол ассоциацияси биринчи вице-президенти Умид Аҳмаджонов билан учрашув давомида кўплаб келишувга эришдик. Эътиборлиси, «Ванфоре Кофу» клуби Япониянинг оддий клубидир. Аммо, шунга қарамай жаноб Аҳмаджонов биз билан ҳамкорлик қилишга тайёр эканлигини айтиб ўтди. Бу ҳамкорлик ҳар икки томон учун манфаатли эканлигини эшитганимдан хурсандман.
Ҳамкорлик қайси йўналишда олиб борилади? Биз ёшлар футболида яқиндан ҳамкорлик қилмоқчимиз. Ўзбекистонлик ёш футболчилар Японияда, япон футболчилар эса бу ерга келиб малака оширишлари, тажриба алмашишлари мумкин бўлади. Биз нафақат футбол, балки маданият бўйича ҳам ҳамкорликни ривожлантиришни истаймиз. Қолаверса, ўзбек футболчиларининг Япония клубларига ўтишини ҳам истаймиз», – деди Казуюки Умино.
Наоя Шибамура: «Ўзбек футболидан ёрқин хотиралар қолган. Ўзбекистонлик футболчилар кучли ҳисобланадилар. Улар яккакурашларда яхши ҳаракат қиладилар.
Осиё кубогида Ўзбекистон ва Япония қарама-қаршилиги? Ушбу терма жамоалар мусобақада бир гуруҳдан ўрин олгани мен учун аҳамиятлидир. Чунки мен ҳар икки мамлакатда ҳам футболчи сифатида ўйнаганман. Бугун терма жамоа сафида ҳаракат қилаётган футболчилар ичида мен «Пахтакор»да бирга ўйнаган собиқ жамоадошларим ҳам бор. Масалан, Егорь Кримецни мисол қилиб келтиришим мумкин. Ҳар икки жамоа ҳам гуруҳдан чиқади. Истардимки, улар ҳал қилувчи финал ўйинида баҳс ўтказсинлар», – деди Наоя Шибамура.
Маълумот учун, Шибамура 2012 йилда Тошкентнинг «Пахтакор» клубида, 2013 йилда эса «Бухоро» сафида ҳаракат қилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
