Футбол катта бизнесга айлангани бугун ҳеч кимгa сир эмас. Топ клублар айнан шу соҳадаги савдо орқали ўз клубларига ҳар йили миллионлаб даромад келтиришмоқда. Бугун ўтган мавсумда бу борада ким пешқадам бўлганлигини билиб оламиз.
5 – ўрин «ПСЖ»
Неймар жамоага келгандан бери «ПСЖ» бу соҳада ҳам ўсишга эришди. Жамоа Еврокубокларда ғалаба қозонмаган бўлсада, бутун дунё бўйлаб анча –мунча мухлис орттиришга улгурди. Мбаппеда кузатилаёган прогрессга қарамасдан, «ПСЖ» футболкалари орасида ҳалигача Неймарнинг футболкасига талаб кучли
4 – ўрин «Ливерпул»
Ўтган мавсумдаги даҳшатли ўйинлар, ЧЛ финали, АПЛ даги тажовузкор ва ҳужумкор ўйинлардан сўнг бу жамоа форма (ёки майка) савдо-сотиғи борасида кучли бешликка киришга муваффақ бўлди. «Ливерпул»нинг мухлислари асосан М.Салаҳнинг номи туширилган футболкаларни катта тиражда ҳарид қилишмоқда. Энг қизиғи шундаки, Юрген Клопп жамоага келишидан олдин «Ливерпул» АПЛ да бу борада кучли 10 ликда йўқ эди. Клопп «Ливерпул»ни оммалаштириб юборишнинг уддасидан чиқди.
3 – Ўрин «Реал Мадрид»
Кетма – кет қўлга киритилган ЧЛ жамоанинг савдо – сотиқ ишларига ҳам ўз таъсирини ўтказмай қолмади. Клуб футболкалари бутун дунё бўйлаб бир зумда сотилиб кетар, талаб кучли эди. Афсуски, Роналдо жамоани тарк этгач, бу борада «Реал Мадрид» оқсашни бошлади. «Қаймоқранглилар» Кришнинг кетиши орқали жуда кўп нарсаларни бой беришди. Энг қизиғи шундаки, Реал Мадрид 2018 – йили энг кўп Роналдонинг футболкасини сотган экан. Афсуски, Флорентина Перез Кришнинг ўрнига янги юлдуз олиб кела олмади. Оқибатда, «Реал Мадрид» жаҳон савдо бозорида ҳам ўз позициясини бой берди.
2 – ўрин «Барселона»
Мана 10 йилдан бери Каталония клуби бу жабҳада ҳам олдинда. Айниқса, уларнинг савдолари Неймар, Месси, Суарез триоси Европани забд этганда авжига чиққан эди. 2018 - йил мавсум «Барселона» ЧЛ да омадсиз иштирок этди. Футболкалар савдоси ҳам шунга яраша сезиларли даражада камайди.
Энг кўп сотиладиган футболканинг эгаси ким эканлиги аниқ. Бу сўзсиз Месси эканлигига ҳеч кимда шубҳа бўлмаса керак.
1 – ўрин «Ювентус»
Ҳа, албатта, 2018 – йилдаги энг шов – шувли трансферни амалга оширган «Ювентус» Роналдо номи туширилган футболкалардан ақл бовар қилмас даражада кўп сотдики, тасаввур ҳам қила олмайсиз. Роналдонинг «Ювентус»га ўтганидан сўнг клубнинг футболкалар савдоси нақд 16 баробар кўпайган. 2017 – йилги мавсумда «Ювентус» Европада бу жабҳада 13 – ўринда эди. Кришнинг жамоага келиши автоматик равишда клубнинг савдо – сотиқ ишларини анча олдинлашини таъминлаб берди.
Ҳозир Турин шаҳрининг ҳар бир хонадонида 7 – рақамли футболка бор десак, муболаға бўлмаса керак. Роналдо «Кекса сенёра» сафига ўтган куни бир суткада 560 минг дона футболка сотилганининг ўзи сўзимизга исбот бўла олади.
Yahyoxo'ja Ulug'xo'jayev
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
