Futbol katta biznesga aylangani bugun hech kimga sir emas. Top klublar aynan shu sohadagi savdo orqali o‘z klublariga har yili millionlab daromad keltirishmoqda. Bugun o‘tgan mavsumda bu borada kim peshqadam bo‘lganligini bilib olamiz.
5 – o‘rin «PSJ»
Neymar jamoaga kelgandan beri «PSJ» bu sohada ham o‘sishga erishdi. Jamoa Yevrokuboklarda g‘alaba qozonmagan bo‘lsada, butun dunyo bo‘ylab ancha –muncha muxlis orttirishga ulgurdi. Mbappeda kuzatilayogan progressga qaramasdan, «PSJ» futbolkalari orasida haligacha Neymarning futbolkasiga talab kuchli
4 – o‘rin «Liverpul»
O‘tgan mavsumdagi dahshatli o‘yinlar, CHL finali, APL dagi tajovuzkor va hujumkor o‘yinlardan so‘ng bu jamoa forma (yoki mayka) savdo-sotig‘i borasida kuchli beshlikka kirishga muvaffaq bo‘ldi. «Liverpul»ning muxlislari asosan M.Salahning nomi tushirilgan futbolkalarni katta tirajda harid qilishmoqda. Eng qizig‘i shundaki, Yurgen Klopp jamoaga kelishidan oldin «Liverpul» APL da bu borada kuchli 10 likda yo‘q edi. Klopp «Liverpul»ni ommalashtirib yuborishning uddasidan chiqdi.
3 – O‘rin «Real Madrid»
Ketma – ket qo‘lga kiritilgan CHL jamoaning savdo – sotiq ishlariga ham o‘z ta’sirini o‘tkazmay qolmadi. Klub futbolkalari butun dunyo bo‘ylab bir zumda sotilib ketar, talab kuchli edi. Afsuski, Ronaldo jamoani tark etgach, bu borada «Real Madrid» oqsashni boshladi. «Qaymoqranglilar» Krishning ketishi orqali juda ko‘p narsalarni boy berishdi. Eng qizig‘i shundaki, Real Madrid 2018 – yili eng ko‘p Ronaldoning futbolkasini sotgan ekan. Afsuski, Florentina Perez Krishning o‘rniga yangi yulduz olib kela olmadi. Oqibatda, «Real Madrid» jahon savdo bozorida ham o‘z pozisiyasini boy berdi.
2 – o‘rin «Barselona»
Mana 10 yildan beri Kataloniya klubi bu jabhada ham oldinda. Ayniqsa, ularning savdolari Neymar, Messi, Suarez triosi Yevropani zabd etganda avjiga chiqqan edi. 2018 - yil mavsum «Barselona» CHL da omadsiz ishtirok etdi. Futbolkalar savdosi ham shunga yarasha sezilarli darajada kamaydi.
Eng ko‘p sotiladigan futbolkaning egasi kim ekanligi aniq. Bu so‘zsiz Messi ekanligiga hech kimda shubha bo‘lmasa kerak.
1 – o‘rin «Yuventus»
Ha, albatta, 2018 – yildagi eng shov – shuvli transferni amalga oshirgan «Yuventus» Ronaldo nomi tushirilgan futbolkalardan aql bovar qilmas darajada ko‘p sotdiki, tasavvur ham qila olmaysiz. Ronaldoning «Yuventus»ga o‘tganidan so‘ng klubning futbolkalar savdosi naqd 16 barobar ko‘paygan. 2017 – yilgi mavsumda «Yuventus» Yevropada bu jabhada 13 – o‘rinda edi. Krishning jamoaga kelishi avtomatik ravishda klubning savdo – sotiq ishlarini ancha oldinlashini ta’minlab berdi.
Hozir Turin shahrining har bir xonadonida 7 – raqamli futbolka bor desak, mubolag‘a bo‘lmasa kerak. Ronaldo «Keksa senyora» safiga o‘tgan kuni bir sutkada 560 ming dona futbolka sotilganining o‘zi so‘zimizga isbot bo‘la oladi.
Yahyoxo'ja Ulug'xo'jayev
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
