Яқинлашиб келаётган янги мавсумдан бошлаб ўқув юртлари ҳамда маҳаллалардаги ёшларни футболга кўпроқ жалб этиш, уларнинг мазкур спорт турига бўлган қизиқиш ва меҳрини ошириш мақсадида яқин ўтмишнинг маҳоратли футболчилари иштирокида турли учрашувлар ўтказилиши йўлга қўйилаётганидан хабаарингиз бор.
Шу мақсадда айни кунларда Фарғона водийсида ишчи ташриф билан бўлиб турган ЎзПФЛ Мухлислар билан ишлаш бўлими вакиллари “Навбаҳор” клубига ташриф буюришди ва якунда Наманган шаҳридаги Давлатобод енгил саноат ва касб-ҳунар коллежи талаблари билан Акмал Теляков ва Аббос Латифбоев иштирокида учрашув ташкил этилди.
ПФЛ вакиллари дастлаб Наманган шаҳридаги “Марказий” ўйингоҳга ташриф буюриб, “Навбаҳор” ПФК ва “Марказий” ўйингоҳ раҳбарияти билан учрашишди. Мазкур учрашув жараёнида ПФЛ вакиллари мухлисларни стадионларга жалб этиш борасида олиб борилаётган ишлар, ПФЛ ҳамда Республика маҳаллалар кенгаши ва олий ва ўрта-махсус таълим вазирлиги билан имзоланган Меморандумга асосан, ҳар бир клуб ўз вилоятидаги маҳаллалар, ОТМ ҳамда касб-ҳунар коллежлари билан ҳамкорликни йўлга қўйиши, улардаги иқтидорли футболчиларга кўпроқ эътибор қаратиши жоизлиги, жамоаларнинг байроқларига ўз рамзи туширилиши, ҳар бир клуб ўз шиори, маскоти ҳамда мадҳиясига эга бўлиши, йиллик абонементлар чиқариши, ишқибозларга қулайлик яратиш мақсадида стадионнинг ичида фаст-фуд ва салқин ичимликлар савдосини ташкил этиши лозимлигини айтиб ўтди.
“Навбаҳор” ПФК вице-президенти Бахтиёр Усманов 2019 йилги мавсумда мухлисларга қулайлик яратиш мақсадида бир қатор ишларни амалга ошириш борасида режалар тузилгани, жумладан, янги мавсумда “Навбаҳор”нинг уй учрашувларидаги футбол баҳслари 8та видеокамера орқали намойиш этилиши, бу эса “Навбаҳор”нинг ўз майдонидаги ўйинларининг жонли трансляцияси сифати яхшиланиши, реклама баннерлари электрон ёзувли кўринишда бўлиши, “Марказий” ўйингоҳга жамоа рамзи бўлган лочин қуши монументининг ўрнатилиши, жорий йилдан бошлаб, ўйингоҳда янги рақамли технологиялар ҳаётга татбиқ этилишини таъкидлади.
Шундан сўнг, “Марказий” ўйингоҳнинг анжуманлар залида ПФЛ, “Навбаҳор” ПФК, вилоят маҳаллалар кенгаши ва вилоят касб-ҳунар таълим бошқармаси вакиллари, бундан ташқари, “Навбаҳор”нинг фахрий футболчилари – Акмал Теляков ва Аббос Латифбоев иштирокида учрашув бўлиб ўтди.
Сўнгра ПФЛ вакиллари Наманган шаҳридаги Давлатобод енгил саноат ва касб-ҳунар коллежига ташриф буюриб, мазкур коллежнинг мажлислар залида талабалар билан учрашув ташкил этилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
