Yaqinlashib kelayotgan yangi mavsumdan boshlab o‘quv yurtlari hamda mahallalardagi yoshlarni futbolga ko‘proq jalb etish, ularning mazkur sport turiga bo‘lgan qiziqish va mehrini oshirish maqsadida yaqin o‘tmishning mahoratli futbolchilari ishtirokida turli uchrashuvlar o‘tkazilishi yo‘lga qo‘yilayotganidan xabaaringiz bor.
Shu maqsadda ayni kunlarda Farg‘ona vodiysida ishchi tashrif bilan bo‘lib turgan O‘zPFL Muxlislar bilan ishlash bo‘limi vakillari “Navbahor” klubiga tashrif buyurishdi va yakunda Namangan shahridagi Davlatobod yengil sanoat va kasb-hunar kolleji talablari bilan Akmal Telyakov va Abbos Latifboyev ishtirokida uchrashuv tashkil etildi.
PFL vakillari dastlab Namangan shahridagi “Markaziy” o‘yingohga tashrif buyurib, “Navbahor” PFK va “Markaziy” o‘yingoh rahbariyati bilan uchrashishdi. Mazkur uchrashuv jarayonida PFL vakillari muxlislarni stadionlarga jalb etish borasida olib borilayotgan ishlar, PFL hamda Respublika mahallalar kengashi va oliy va o‘rta-maxsus ta’lim vazirligi bilan imzolangan Memorandumga asosan, har bir klub o‘z viloyatidagi mahallalar, OTM hamda kasb-hunar kollejlari bilan hamkorlikni yo‘lga qo‘yishi, ulardagi iqtidorli futbolchilarga ko‘proq e’tibor qaratishi joizligi, jamoalarning bayroqlariga o‘z ramzi tushirilishi, har bir klub o‘z shiori, maskoti hamda madhiyasiga ega bo‘lishi, yillik abonementlar chiqarishi, ishqibozlarga qulaylik yaratish maqsadida stadionning ichida fast-fud va salqin ichimliklar savdosini tashkil etishi lozimligini aytib o‘tdi.
“Navbahor” PFK vise-prezidenti Baxtiyor Usmanov 2019 yilgi mavsumda muxlislarga qulaylik yaratish maqsadida bir qator ishlarni amalga oshirish borasida rejalar tuzilgani, jumladan, yangi mavsumda “Navbahor”ning uy uchrashuvlaridagi futbol bahslari 8ta videokamera orqali namoyish etilishi, bu esa “Navbahor”ning o‘z maydonidagi o‘yinlarining jonli translyasiyasi sifati yaxshilanishi, reklama bannerlari elektron yozuvli ko‘rinishda bo‘lishi, “Markaziy” o‘yingohga jamoa ramzi bo‘lgan lochin qushi monumentining o‘rnatilishi, joriy yildan boshlab, o‘yingohda yangi raqamli texnologiyalar hayotga tatbiq etilishini ta’kidladi.
Shundan so‘ng, “Markaziy” o‘yingohning anjumanlar zalida PFL, “Navbahor” PFK, viloyat mahallalar kengashi va viloyat kasb-hunar ta’lim boshqarmasi vakillari, bundan tashqari, “Navbahor”ning faxriy futbolchilari – Akmal Telyakov va Abbos Latifboyev ishtirokida uchrashuv bo‘lib o‘tdi.
So‘ngra PFL vakillari Namangan shahridagi Davlatobod yengil sanoat va kasb-hunar kollejiga tashrif buyurib, mazkur kollejning majlislar zalida talabalar bilan uchrashuv tashkil etildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
