Наманганда «Велосипедда сайр куни» ўтказилди
Мамлакатимизда ўтказилаётган навбатдаги соғломлаштириш тадбирларида наманганликлар ҳам фаол иштирок этди.
Шаҳар ва барча туманларидаги ўйингоҳ ва хиёбонлар соғлом турмуш тарзи тарғиботи марказига айланди. Жумладан, Наманган халқаро аэропортига элтувчи кенг ва равон йўл эрталабданоқ етти ёшдан етмиш ёшгача соғлиқни сақлаш, халқ таълими, мактабгача таълим ходимлари, жамоат ташкилотлари ва ёшлар вакилларидан иборат юзлаб ҳаваскор велоспортчилар билан гавжум бўлди.
– Ёши улуғлар бардамлиги ва тетиклигини таъминлашда велоспортнинг аҳамияти катта, – дейди “Нуроний” жамғармаси қошидаги спорт тўгараги аъзоси Аббосхон ота Насриддинов. –Узоқ умр кўраман, соғлом ва бақувват бўламан деган отахон ва онахонларимиз велосипедда сайр қилишни мунтазам йўлга қўйишлари лозим.
Қизиқарли оммавий тадбир босқичма-босқич амалга оширилди. Дастлаб кекса авлод вакиллари, кейин эса велосипедчи хотин-қизларга старт берилди. Айниқса, сон жиҳатдан кўпроқ бўлгани учун эркаклар ўртасидаги мусобақа қизғин кечди.
Мусобақаларга вилоят велоспортчилар жамоаси вакиллари ҳакамлик қилди.
– “Велосипедда сайр куни” соғлом турмуш тарзини тарғиб қилишга қаратилган бошқа турли кўнгилочар тадбирларни ҳам қамраб олди, – дейди вилоят соғлиқни сақлаш бошқармаси бошлиғининг маънавий-маърифий ишлар бўйича ўринбосари А.Ғозиев. – Айниқса, “Саломатлик майдончалари” ва “Соғлом овқатланиш ярмаркалари”даги кўргазмалар, мутахассислар томонидан олиб борилган “Соғлом турмуш тарзи асослари” ва “Жисмоний фаолликнинг инсон организмига таъсири” мавзуларидаги суҳбатлар барчага манзур бўлди.
Тадбир якуни бўйича энг фаол кекса иштирокчилар, энг ёш қатнашчилар, эркаклар ва аёллар ўртасида алоҳида маҳорат кўрсатган велосипедчилар вилоят соғлиқни сақлаш бошқармасининг диплом ва ҳомийларнинг эсдалик совғалари билан тақдирланди.
Манба: UZA
Киритилди: 10:38, 31.03.2019. Ўқилди: 1217 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
