Омманинг эътиборида турган Эрик тен Хагнинг кариераси ҳақидаги мақоланинг биринчи қисмини эълон қилган эдик. Бугун мақоланинг 2-қисмини эътиборингизга ҳавола этамиз.
«Аякс»даги ҳаётидан лавҳа
Мақоланинг аввалги қисмида айтилганидек қаҳрамонимизнинг янги жамоадаги ишлари бирданига юришиб кетмайди. У майдонда машғулотлар ўтказибгина қолмай, футболчиларга тактика ва стратегия тўғрисида дарс ўта бошлайди. Клуб базасида унинг талаби билан барпо қилинган ўқув хонасида ўтирган «Аякс» футболчилари янги тактикани чуқур тушуниб олишга ҳаракат қилишмоқда.
У ҳақида нималар дейишмоқда?
Гвардиола
Унинг футболга бўлган чанқоқлигини кўриб қойил қолмасдан иложинг йўқ. У мен ўтказган ҳеч бир машғулотларни ўтказиб юбормасди. Умид қиламанки, келажакда биз рақиб сифатида тўқнашамиз.
Эдвин Ван дер Сар
Бизнинг футболчилар унинг хизматлари эвазига ўсиб боришмоқда. Мен Эрик тен Хагни Голландиядаги энг кучли мутахассис деб биламан ва унга оҳиригача ишонч билдиришда давом этаман.
Карим Зиеч
У келгунга қадар мен ўзимни жуда иқтидорли ҳисоблар эдим. Эрик ва унинг штаби келгач, улар ўйинимни узоқ ўрганиб хато ва камчиликларимни дафтарга ёзиб беришди. Ишонасизми, мен ҳайратдан қотиб қолдим. Эрик айнан шу камчиликларим устида мен билан баробар ишлади.Тўғри, аввалига жисмоний юкламалардан қийналдим, бироқ бу ўз самарасини бера бошлади. Ҳозир мен иккала оёқда ҳам бирдек ўйнашга анча кўникиб қолдим. Бу босснинг хизматлари.
Маттиас Де Лигт
У бизга дарс ўтар, мен ойнадан ташқарига қараб ўтирар эдим. Ҳамма кетгач у мени олдимга келдида, келажагим ҳақида менга куюниб гапира кетди. Тўғриси, унинг гаплари мени ўз кучимга ишонтира бошлади. Кўп ўтмай менга сардорлик боғичини тутқазди. Биласизми кейин нима бўлди? У мени машғулотларда икки хисса тер тўкишга мажбур қила бошлади (Кулади). У бизга жуда ҳам талабчан, аммо асосийсиси бизга ишонади.
Андре Онана
Онана Эрик тен Хаг кучли психолог. Унинг ҳар бир сўзи одамни ўйлантириб қўяди. У футбол билан яшайди. Меҳрибон инсон бўлсада, машғулотлар пайтида ҳудди бошқа одамдек кичик деталларгача эътибор беради.
Ишонч билан айтишимиз мумкин, жаҳон футболига яна бир кучли мураббий кириб келмоқда. Унинг футболга янгича ёндашуви тез орада ўз самарасини беришига умидвормиз. Эрик тен Хаг ва унинг йигитлари бу мавсум Европа чемпионлар лигасида ғолиб чиқиш учун асосий даъвогарлардан саналмаётган бўлсада, уларни ҳеч ким ҳисобдан чиқаргани йўқ. Шунинг ўзиёқ бу мураббий катта ютуққа эриша олганини билдиради.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
