— Бу турдаги энг чиройли ғалаба шубҳасиз "Бунёдкор"ники бўлди. Собиқ мураббийи ва жамоани тарк этган етакчиларига қарши ёш жамоа қандай чиройли ўйнадия... Ягона голни ўтган мавсум Олмалиқда ўтказган Лутфулло Тўраев йўллади. Акбар Тўраевга. Қосимов услубида. Ҳатто АГМК бош мураббийи ҳам ундан кутмаган эди.
— "Сўғдиёна" "Пахтакор" ва "Навбаҳор" билан бўладиган ўйинлар олдидан жуда муҳим очколарни қўлга киритди. Жадвалдаги ўрни ва айниқса мағлубиятлар исканжасига тушиб қолган руҳиятини кўтариб олган жамоа пешқадамга уйида етарлича қаршилик кўрсатиши учун ҳам шу ғалаба керак эди. Тошкент суперклуби келаверсин, кутиб олади Жиззах!
— "Навбаҳор" учун бу ғалаба руҳиятдан кўра турнир жадвали учун муҳимроқ эди, руҳиятини жойига тушириб олди клуб. Энди наманганликлар уй ўйинларини Наманганда ўтказишади, рақибларга осон бўлмайди. Аммо меҳмондаги ўйин психологиясини негадир янги мураббий ҳам тубдан ўзгартира олмагандек туюляпти (Қаршидаги ғалаба жар ёқасига келиб қолган жамоанинг ўзидан баланд сакраши эди фақат). Самарқандда кўрамиз, хуллас.
— Баъзи жиддий ютқазиқлар фойдага бўлади. Мисол учун "Сурхон". Жануб клуби яна тўрт-беш ўйинда рақибларини қийнаса керак, деб ўйлаяпман. Чунки асосий эътиборни ҳаддан ташқари қарши ҳужумга қураётган эди. Энди ўзи ҳужумкор футбол кўрсатишга ўтади. Таркибидаги йигитлар кўпроқ шу услубга мосдек, назаримда.
— "Локомотив" ўтган йилги ишини қиляпти: Хотиржам рақибларини енгишни бошлади ва "Пахтакор"га борини ташлаётган клубларга умидини оширган. Бироқ, биринчи турдаги мағлубиятини тўғрилаш учун рақибидан кўра ўзи қоқилмаслиги керак. Кўз тегмасин, "Локо" бу масалада ўзига келиб олди. Ҳар ҳолда, битта пешқадам билан олдимизда турган саратонда зерикиб қолардик.
— "Андижон" дастлабки ғалабани қўлга киритди. Автомашина, мукофотлар ва яна "Насаф"нинг ёш таркиби руҳиятидан фойдаланиб... Энди жамоа ҳоким ҳар ўйинга келавермаслигини, ҳар ўйин стадионнинг очилиш ўйини бўлмаслигини ҳис этиши керак. Суперлигада жон сақлаш қийин, очиғи.
— "Қўқон 1912" Муроднинг голлари билан футбол ўйнамоқда. Бу сафар Навоийда сўнгги сонияларда антиқа зарба... Ўйинини эса кучайтириши керак жамоа. Олдинда яраланган "Металлург" уйига сафар ва уч карра чемпионни кутиб олиш. Роналдуки "Юве"ни доим қутқара олмаяпти, Ҳолмуҳаммедовнинг зарбасига суяниб яшаб бўлмайди. Лекин барибир табрик.
— Ютқазган жамоалар ичида аҳволи яхшироғи "Сурхон" ва "Металлург". Аммо жар ёқасида турган АГМК навбатдаги турдан ўзига келиб олиши керак. Ким билан ўйнарди, ҳая, турнир жадвалида ёнма-ён турган, ўйин услуби ва таркиби ҳозирги "Бунёдкор"га ўхшаш "Насаф" экан-ку, мана шу баҳс турнинг марказий ўйини мен учун.
"Спорт" телеканалидан узоқлашманг, азизлар!
Хайрулла ҲАМИДОВ
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
