Кеча тунда мавсум олди тайёргарлик мусобақасида иштирок этаётган Мадриднинг икки жамоаси тўқнаш келди ва кутилмаганда «Реал Мадрид» «Атлетико Мадрид» клубига 2 : 7 ҳисобида мағлубиятга учради. Ўйиндан сўнг икки жамоа мураббийлари ўз фикрлари билан ўртоқлашишди. Ҳозир эътиборингизга мураббийлар томонидан ўйиндан сўнг берилган интервьюларни тақдим этамиз.
Диего Симионе
Бугун биз клуб тарихидаги энг зўр учрашувни ўтказдик десам, адашмаган бўламан. Норасмий учрашув бўлишига қарамасдан футболчилар ўйинда тўлиқ куч билан ҳаракат қилишди. Бундан дерби мақомидаги учрашувларда икки клуб ҳам фақат ва фақат ғалаба учун майдонга тушиши турган гап.
Мен ўз йигитларим билан фахрланаман. Улар ўзларининг энг юқори даражасида футбол намойиш этишни уддалашди ва жамоа мухлислари, мураббийлар штабини хурсанд қилишга муваффақ бўлишди. Ўйлашимча, бундай ғалабадан ўзлари ҳам роҳат олишди. Фелиш «Реал Мадрид»дек жамоага қарши қўрқмасдан тўп сурди. У бу учрашувда нафақат ўзининг илк голини, балки илк голли узатмасини ҳам амалга оширди. Яна кимсан «Реал Мадрид» жамоасига қарши! У мақтовларга лойиқ. Энг асосийси, у кичик жароҳатдан фориғ бўлди ва энди жамоамизга ёрдам бера олади. Кўпчилик уни Гризманнинг ўрнини босишини тахмин қилмоқда. Бу борада гапирмоқчи эмасман. Ҳаммасини вақт кўрсатади. Унинг имкониятлари катта. Агар Фелиш ўсишдан тўхтаб қолмаса, келажакда супер футболчига айланиши мумкин.
Диего Костанинг ўйини ҳар қандай мақтовдан ҳам аъло даражада бўлди. Йиллар ўтгани9 сайин унинг тажрибаси ортмоқда ва у белгиланган вазифани ортиғИ билан бажармоқда. Мен ўз жамоамдан расмий учрашувларда ҳам шундай фаоллик кутиб қоламан.
Зайниддин Зидан
Бугун жамоам қўрқинчили ўйин ўтказди. Ўртоқлик учрашуви бўлишидан қатъий назар биз жуда ёмон ўйнадик. Бундай ҳисобда мағлубиятга учраш ноўрин ҳолат. Мен «Реал Мадрид»нинг барча мухлисларидан жамоамизнинг кучсиз ўйини учун узр сўрамоқчиман. Бугунги учрашув ҳимоядаги муаммоларимизни шундоқ кўрсатиб берди. Эндиликда айнан камчиликларни бартараф этиш борасида ишлашда давом этмиз.
Гарет Бейл? Балки уни эртароқ майдонга тушурганимда ҳаммаси бошқача бўлган бўлар эдими, билмадим, бироқ энди буни муҳокама қилишдан фойда йўқ. Учрашув тугади ва натижа ўзгармайди. У ҳозирда катта куч билан машғулотларга киришган. Мен у ҳақида аввал айтган сўзларим учун узр сормоқчиман. Гарет профессионал футболчи эканлигини исботлади ва жамоамизга қайтиб, бор эътиборини футболга қаратди.
Себалоснинг «Арсенал»га ўтиши оддий ҳолат. У иқтидорли йигит, лекин Мадридда унга ўйин амалиёти етмаган бўлар эди. Энди унда майдонда тўлиқ ҳаракат қилиш имкони мавжуд. Умид қиламанки, у бу имкониятдан тўлиқ фойдаланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
