Суперлигада қолиш учун кураш олиб бораётган "Қўқон-1912" 24-тур доирасида ўз уйида АГМКни қабул қилди.
Ушбу учрашув ҳар икки жамоа учун муҳим аҳамият касб этарди. Буни англаб турган футболчилар илк дақиқаларданоқ ҳужумкорликка зўр беришди. Учрашувни мезбонлар шиддатли тарзда бошлашди.
22-дақиқада Мурод Холмуҳаммедовнинг жаримадан йўллаган кучли зарбасини рақиб посбони катта қийинчилик билан бартараф этди. 26-дақиқада меҳмонлар ҳисобни очишга муваффақ бўлишди. Қанотдан ошириб берилган тўпни Зафар Полвонов дарвозамизга аниқ йўллади. Орадан 3 дақиқа ўтиб олмалиқликлар иккинчи тўпни киритишди. Бурчак зарбасидан сўнг Миржамол Қосимов ҳисобни 0:2 ҳолатига келтириб қўйди.
Голдан кейин катта куч билан олдинга ташланган қўқонликлар рақиб дарвозаси олдида бир қатор хавфли вазиятларни вужудга келтиришди. Ана шундай ҳужумларнинг бири 35-дақиқада Суҳроб Бердиев томонидан амалга оширилди. Бердиевнинг зарбасини дарвозабон қайтарди. Биринчи бўлимнинг сўнгги дақиқаларида рақиб дарвозаси олдида босимни кучайтирган мезбонлар ҳисобни қисқартиришга яқин келишган эди. Аввалига дарвоза устуни, кейинги сафар ҳимоячи дарвоза чизиғидан тўпни қайтарди. Шахбоз Эркинов зарба йўллаган эди. Танаффусга жамоалар шу ҳисобда чиқиб кетишди.
Иккинчи бўлимни водийликларни шиддат билан бошлашди. 46-дақиқада Қувондиқ Рўзиевнинг бош билан берган зарбаси бироз юқоридан кетди. 55-дақиқада Ҳожимат Эркиновнинг пасидан сўнг Шаҳбоз Эркинов дарвозага зарба йўллади. Дарвозабон катта қийинчилик билан қайтарди. Бугун олмалиқликлар посбони Суҳроб Султонов ажойиб ўйини билан жамоасига ёрдам берди. 69-дақиқада ҳимоядаги қўпол хатодан кейин олмалиқликлар ҳисобни йирик кўринишга келтиришди. Элгужа Григалашвили "совға"дан унумли фойдаланди.
Ҳакам томонидан қўшиб берилган дақиқада Қувондиқ Рўзиев ҳисобни бироз қисқартирди. Шу тариқа, АГМК ғалаба қозониб, ўз очколарини 29тага етказди. Миржалол Қосимов жамоаси ушбу мавсумда Суперлигада қолиш вазифасини уддалаб бўлди.
Coca Cola суперлига, 24 тур
"Қўқон-1912" - АГМК – 1:3 (0:2)
Голлар: Қувондиқ Рўзиев (90+2). - Зафар Полвонов (26), Миржамол Қосимов (29), Элгужа Григалашвили (69).
“Қўқон-1912”: 33. Музаффар Абдуллаев, 7. Жамшид Ҳасанов, 10. Қувондиқ Рўзиев, 17. Жаҳонгир Аҳмадов (11. Тимур Ҳакимов – 70), 19. Суҳроб Бердиев, 20. Иқболжон Маликжонов (5. Хожимат Эркинов - 46), 22. Шаҳбоз Эркинов, 23. Александр Мерзляков, 27. Жасурбек Ёқубов, 65. Марко Милич (15. Ойбек Рустамов – 77), 70. Мурод Холмуҳаммедов.
АГМК: 32. Суҳроб Султонов, 3. Эркин Бойдуллаев, 4. Миржамол Қосимов (30. Жасур Умаров – 71), 5. Дилшод Жўраев, 7. Элгужа Григалашвили, 9. Зафар Полвонов (15. Жасур Ҳакимов – 82), 20. Мирғиёс Сулаймонов, 31. Сайдулло Раҳматов, 33. Сардор Раҳмонов, 88. Игорь Зонич, 97. Жасур Яхшибоев (11. Зохир Пиримов – 56).
Ҳакамлар: Шерзод Қосимов, Абдуҳамидулло Расулов, Жаҳонгир Саидов, Достон Раҳмонов.
Назоратчи: Марат Исмоилов.
Комиссар: Шоҳрух Саид.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
